💖💖 هل أنت مستعبد؟ 💖💖

0 1٬272

🦋 هل أنت مستعبد؟
ايه! مستغرب السؤال!
بلاش هل إنت بتعيش الحرية
؟
تحب أصدمك
للأسف 95% من الناس مستعبد ومش حر
* اااااااااه تقصد اني عبد لربي!!
لا انا مش بتكلم عن العبوديه للخالق!
أنا بتكلم عن إنك مستعبد ومسجون لحاجات تانيه كتير!!
…………
هات كباية الشاي الجميله بتاعتك وتعالي اقرأ المقال ده عشان تفهم ازاي انك مسجون ومستعبد وازاي تخرج من السجن ده وتتحرر.

* ملحوظه : المقال طويل عشان لو من الناس اللي بتختصر بقولك شرفتنا الشويه دول
المقال ده لحد يستحقه
………
العبودية عكسها الحرية
وهي درجات بحسب كم الحاجات اللي بتسجنك
طيب خد مثال عشان متزهقش من الكلام
وجاوب مع نفسك عالاسئله دي 
هل بتقدر تتكلم مع مديرك بحرية من غير خوف انه يطردك؟
هل تقدري تردي على جوزك لو أهانك؟
هل تقدر تتكلم مع صديقتك او زميلتك بحرية قدام مراتك لو كلام حتى في نطاق الاحترام؟
هل تقدر لو ابوك ظالمك تواجهه ومتخافش على زعله؟
هل تقدري تقولي لحماتك بعد اذنك متدخليش في تربيه ولادي؟
هل تقدر تطلق مراتك او تتطلقي من جوزك لو استحالت بينكم الحياه ولا مستمرين عشان العيال؟
هل تقدر تمشي في الشارع بملابس بيت عاديه بدون ما يهمك رأي الناس؟
هل تقدر أو تقدري تتجوزي بعد وفاه زوجك وعيالك كبار في السن وتواجهيهم؟
هل تقدر تنزل من السفر ومتجيبش هدايا للحبايب؟
هل تقدر تقرر تواجه مراتك ومتدخلش عيالك مدارس لغات وانك عايزهم ياخدو كورسات؟
هل تقدري تواجهي خطيبك بتحكمه فيكي بدون ما تخافي انه يسيبك؟
هل تقدر تواجه اهلك وتتجوز اللي بتحبها وترفض اللي فرضوها عليك؟
هل هل هل هل؟؟؟؟

للأسف ناس كتير مسجونه
بعضها لأسباب تافهه زي شكلي قدام الناس
وبعضها لأسباب مهمه زي مينفعش ازعل أهلي

الحرية ثمنها غالي جدا
احنا اتخلقنا أحرار تماما
حتى الخالق أعطانا الحرية كامله في كل تصرف بدون ما يتدخل في اللي بتختاره
ولكن ضمن قوانين الدنيا اللي بتنظم الحياه

وعشان كده بنتعذب جدا لو فرطنا في الحرية دي
وهيفضل العذاب لحد ما نتحرر

الخوف من الفقدان هو اللي بيدخلك السجن برجلك وأول طريق العبوديه
وبالتالي بيعمل لك تعلق ويثبتك في الأرض بعد ما كنت بتطير بحرية

خوفك انك تفقد
إبنك زوجك أمك خطيبك حبيبك أهلك صاحبك
أو تفقد شيء من علاقتك بيهم بيسجنك ويخليك متعلق بيهم خايف يروحو منك بتعمل اللي عايزينه حتى لو على حساب نفسك فتتعذب بيهم لحد ما تتحرر منهم

خوفك انك تفقد
فلوسك شكلك قدام الناس شهرتك وضعك الاجتماعي شقتك سيارتك شغلك

هضرب أمثله من قلب الاستشارات اللي بتجيلي

* جوزي بيعاملني بطريقة سيئه ومش قادره اواجهه عشان لو حصل طلاق، العيال هتتبهدل
– حضرتك مسجونه وعيالك سجنوكي! اقرأ :
هل صارت فكرة الحرية ترعبك؟

* خطيبي بيقلل من قيمتي وخايفه يسيبني وأرجع تاني عازبه ومش بعيد أعنس
– حضرتك مسجونه وخوفك من العنوسه سجنك

* نفسي ارجع زي العيال! اعمل اللي نفسي فيه! نفسي البس اللي بحبه حتى لو غريب بس بقول الناس هتقول عليا ايه
– حضرتك مسجون و رأي الناس فيك ساجنك

* ابني بيمرض ويتصاب كتير وانا مش بستحمل عليه الهوا
– حضرتك مسجون بتعلقك بإبنك وبتتعذب بعدم تحررك منه

* مش طايق شغلي بس مينفعش اسيبه واشتغل حر او اشتغل اللي بحبه
– حضرتك مسجون في خوفك انك تخسر او تغير وظيفتك

* نفسي أتجوز اللي بحبها بس أمي قالت لي مش هبقى راضيه عنك
– حضرتك مسجون جوه موروثات غلط أنك لازم تطيع أمك حتى لو على حساب مصلحتك

يا جماعه صدقوني احنا اتخلقنا أحرار تماما زي الأطفال اول ما بيتولدو
بيعملو اللي نفسهم فيه احرار تماما
بدون خوف من اي فقد وبدون تعلق

لحد ما احنا نبدأ نعلمهم الخوف من الفقدان والتعلق بالأشياء وشكلهم قدام الناس واحنا عاداتنا وتقاليدنا كده

الحرية تدريب
عايز ترجع لحريتك وتخفف عذاب كتير
متخافش تفقد حاجه
او تخيل انك فقدتها وعيش الاحساس ده بصدق وبمشاعر من قلبك وهتحس انك حر

ولما تكون حر
مش هتخافي انك تقولي لجوزك : كفايه غلط فيا لحد هنا
مش هتخاف تقول لأبوك : أنا هتجوز اللي بحبها
مش هتخافي تقولي لخطيبك : بطريقتك دي مش هنكمل مع بعض
مش هتخاف ان سيارتك وفلوسك وبيتك عادي تفقده
مش هتخاف تقول لصاحبك : متتكلمش معايا كده تاني
مش هتخاف تقول لمديرك : اتكلم معايا كويس بعد كده
مش هتخاف لو ابنك وقع او مرض او اتخبط
كل ده ازاي
لأنك اتحررت منهم بتخيل فقدانهم
فبالتالي انت حر تماما مفيش حاجه ساجناك
ولكن صدقني
وقت لما تتحرر هتفاجأ إن كل اللي أطلقت سراحه وأطلق سراحك ورجعلك بس بحريه بيكون أجمل علاقه
جوزك هيعرف قيمتك! ابوك هيحترمك! مديرك هيعرف حدوده! خطيبك هيحبك اكتر! ابنك مش هيتعب! موبايلك مش هيضيع!

دي مكافأة الحريه
وده مش كلام كتب
ده قصه تجربه كنت كل يوم ومازلت بمارسها
ومازلت بتدرب من 3 سنين اني اتحرر من كل السجون اللي حطيت نفسي فيها

مش بخلي حد يجاملني عشان ميسجنيش بمجاملته
مش بخلي حد يمتلكني ويفهم اني ملكه لوحده
عادي اني اقول لحد انا مش فاضي
عادي اني أرد بكل قله ذوق على حد كلمني بقله ذوق
بتجنن وبعمل اللي نفسي فيه في حدود الأخلاق بدون ما اسجن نفسي في رأي الناس عني! عادي اني العب مع عيال في الشارع وعادي اني ارقص وعادي اني اعمل مقالب!
مش بخاف على اي حاجه تحصل لعيالي وبالتالي نادرا لما بيتعبو! مش بخاف ان الموبايل يضيع او يتكسر وبالتالي نادرا لما يتخدش حتى!
مش بسمح لمخلوق يتعدى حدوده لاني مش خايف من فقدانه

تاني
الحريه غاليه والكلام فيها يتعمل في كتب
والمقال ده قصير مقارنه بالكلام والتطبيق على التحرر

عايز تتحرر ببساطه
تخيل وعيش انك فقدت اللي بتتألم بسببه او حاسس انه ساجنك!!
بقلم : عمرو أبو مازن

اقرأ في نفس السياق : 👈👈كيف تكون حقيقيا فعلا في عالم مزيف!!👉👉

اقرأ في نفس السياق : 💖💖 الخروج من السجن 💖💖 و 💖💖لا حب بلا حرية 💖💖

اقرأ في نفس السياق : 💖 الحرية شيء داخلي 💖 و 💖💖من فترة كتبت سؤال: ما هي الحرية؟💖💖

💎 سجل في هذه المكتبة العالمية الرائعة ” جملون ” و احصل على أي كتاب تريده باللغة العربية أو الأنقليزية في أي مجال “كتب تنمية ذاتية، كتب صحة، كتب أطفال،كتب طبخ صحي، كتب سير و كتب أسرة و كتب أدب و خيال و كمبيوتر …” و استغل التخفيضات و العروض المتاحة كل شهر و كل موسم، الكتاب سيصلك الى باب بيتك بعد بضعة أيام من الطلب أينما كنت في العالم :

https://bit.ly/2lIYuXr

ان كنت مسجلا في المكتبة سابقا، توجه مباشرة لهذا الرابط للحصول على نسختك الورقية من أي كتاب تريده : https://bit.ly/2lH9XqQ

اقرأ أيضا : 💖💖 أطلق العنان لروحك وتنفس الحرية 💖💖

اقرأ أيضا : 💖💖 إذهب حيث ترتاح روحك ، حيث يناديك قلبك 💖💖

اقرأ أيضا : 💖💖 كن أنت واطمئن 💖💖

 اقرأ أيضا : 💖💖مت كما أنت!!!💖💖

اقرأ أيضا : 💖💖 10 شخصيّات تُسمم حياتك اليوميّة 💖💖

اقرأ أيضا : 💖💖 كارما العلاقات 💖💖

اقرأ أيضا : 💖💖 الزواج ليس في حد ذاته انجاز 💖💖

اقرأ أيضا : 💖💖 ﻛﻴﻒ ﺗﺘﺠﺎﻭﺯ ﻣﺮﺣﻠﺔ ﺍﻟﺘﺎﺛﺮ ﺑﻜﻼﻡ ﺍﻻﺧﺮﻳﻦ؟ 💖💖

اقرأ أيضا : 💖💖 كيفية التعامل مع المستنزفين طاقيا 💖💖

اقرأ أيضا : 💖💖 كيف تتعامل مع ما لا تريد ؟ 💖💖

اقرأ أيضا : 💖💖 الفطرة 💖💖

———————————————————————

بقلم : عمرو أبو مازن

رابط عمرو أبو مازن على الفيسبوك

396 🕉⚛♈🦋👑🌲💎🐞🌹🌼🌈💖🌞

اترك رد

لن يتم نشر عنوان بريدك الإلكتروني.