🌎⚡⛵ طريقك للنشوة الأبدية 🌎⚡⛵

0 853

🌻🪙🔑🌲 طريقك للنشوة الأبدية :

كلام كتير ممكن تقرأه يجيلك احساس إن الكاتب وصل أخيرا للوصفة السحرية للحياة، وإنك لو طبقت المقولة الـ كتبها خلاص هتوصل لنفس النتيجة الـ قالها بكل بساطة … فيجيلك احساس بالسعادة وانت بتقرأ البوست.

لكن ممكن لما ترجع للحياة الحقيقية بعيد عن الشاشة … تلاقي إنك مش عارف تطبق الكلام الـ شكله حلو وانت مؤمن بيه!

ممكن تلاقي إنه مرة بيشتغل معاك ومرة ولا

ممكن تلاقي إن كلامه كان صح بس في استثناء

ممكن تكون مش مؤمن بالكلام الـ انت قرأته أصلا وسخرت منه … وبعد سنين وتجارب تكتشف إن كان عنده حق!

هو بيحصل كده ليه؟

هو الحياة صعبة ورخمة؟

ولا انت مش فاهم؟

يعني أعمل ايه؟؟!

الحياة مش صعبة ومش سهلة دايما … ومش بسيطة ومش معقدة دايما

وممكن تكون كل دول في جوانب وأوقات مختلفة!

الـ أنا متأكد منه من تجربتي إن الحياة لغز محير ومتجدد … صعب تحطها في إطار وتحبسها في نظرية … دايما هتكسر نظريتك وهتخرج برا حدود فكرك

دايما هتلاقي استثناءات وتطورات ومعطيات مختلفة.

ولأن التغيير هو الشيء الوحيد الثابت في العالم الـ احنا شايفينه … كل يوم بتعلم أكون “صاحي” ومنتبه للحظة الحاضرة وكل حاجة موجودة فيها … لأن الحياة مش موجودة غير في اللحظة. ولأن مفيش لحظة زي التانية … أي نظرية أو فكرة عامة تحاول تفسير الحياة بشكل جامد ومطلق هيجيلها وقت وهتتكسر، أو هيظهر لها استثناءات وتغيرات وتعديلات.

لكن وانت منتبه في اللحظة … انت بقيت جزء من الحياة وبتتفاعل معاها … على حسب هي بتقول لك ايه وبتتحرك ازاي انت كمان هتتحرك … أصبح في تفاعل ورقصة مستمرة بينكم.

وعشان كده كثير من كلمات وكتب المستنيرين قد تبدو متناقضة وفيها كثير من المفارقات … لأنها مش مجرد كلمات ونظريات عقلية … بل هي ملاحظات وإلهامات نابعة من التجربة المباشرة في اللحظة … نابعة من حالة حضور وسكون وانتباه حقيقية … وفيها عمق غريب ومتجدد … زي الحياة … فهمك واحساسك بيها بيتجدد كل ما تعيش وتجرب … بتتحرك وتتدفق وتتطور معاك زي الميه.

والطريق ده هيعلمك حاجة جميلة أوي دايما الحياة بتحاول تعلمهالك؛ انك تلاقي اجاباتك “من جوا” مش من برا. ممكن تستعين بكلام الناس والكتب والمعلمين والمرشدين … لكن اجاباتك الحقيقية الـ هتساعدك تتطور وتتصل بروحك وتحقق كل حاجة انت عايزها مش هتوصل لها غير من “جوا”، من خلال التدريب على الانتباه واليقظة، هتتعلم تقيس كل شيء بتجربتك وتشوف نتايجه الفعلية وتقدر تعدل عليها. لأن تجربتك دايما هتكون تجربة مختلفة واستثنائية عن تجربتهم، الاتباع الأعمى مش هيخليك غير نسخة رديئة منهم، مش هتكون انت … وهتفضل تايه لحد ما تتعلم تسمع صوت قلبك وتشغل حواسّك، وتكون مرجعيتك داخلية.

في وسط كل الزحمة واللخبطة والدوشة

افتكر إن في حالة سكون داخلية

تقدر تتصل بيها وترجع لها

هتلاقي الإجابات فيها

إجابات قد تبدو لعقلك المسكين لا منطقية

لكنها مرشدك الحقيقي

وطريقك للنشوة الأبدية

لأنك جي هنا عشان تكتشف النشوة دي وتعيشها

وتجسدها كحقيقة ملموسة ومادية … بقلم نيلي عربين

اقرأ أيضا : 🌎⚡⛵ انعدامُ الأمانِ هو 《 ابن الإلهيّ المقدّس 》🌎⚡⛵

اقرأ أيضا : 💖💖 إذهب حيث ترتاح روحك ، حيث يناديك قلبك 💖💖

اقرأ أيضا : ‏💖💖 راحة الروح خارج الزمن 💖💖

اقرأ أيضا : 💖💖من فترة كتبت سؤال: ما هي الحرية؟💖💖

اقرأ أيضا : 💖💖 و بدأت رحلتك المثيرة 💖💖

اقرأ أيضا : 💖💖المسألة الأولى والأخيرة أن تكون فارغاً💖💖

اقرأ أيضا : 💖💖أنت معبر النور  !!💖💖

اقرأ أيضا : 💖💖هناك بداخلك ألف حياة تزاحم عتمتك بحثا عنك💖💖

اقرأ أيضا : 💖💖 حقيقة التغيير العظيم 💖💖

اقرأ أيضا : 💖💖أنا منقذ نفسي..أنا الوحيد المسؤول عني..!!💖💖

DivaKhoolood369 DivaKhoolood888 🌳⛵🔥🌊💳💰💶💴💵💸🌹✨👑☯🌈👀👂🐝🚀☘💃💎💗💗🌏❄🌲🐎🐂🦅🐉🌞🌝🌻🌸🌺🍇🍓🥂🎼🛬🛸🛳🔑🔮⚖☯♈♉✅👑👑

اترك رد

لن يتم نشر عنوان بريدك الإلكتروني.