🌲📣⚜🦄💸🏹🔱🪙🌻 كيف تصنع واقعك وما هي أسرار التجلي؟
…………………….
تخيل إنك تعيش عمر كامل فاهم انك ماشي بالبركه وكل شيء بيظهر لك في حياتك
ما هو إلا مجرد صدفه
او تقول ده قدري ونصيبي
بل وتلعن الظروف وتلوم ربنا وتلوم كل العالم على اللي بيحصل لك
بينما تكتشف في الاخر إن كل اللي حصل وبيحصل انت اللي أظهرته في واقعك او عالاقل جزء كبير منه
ولكن قبل ما تعترض عليا وتقولي
يعني قصد كلامك يا مستر عمرو اني خلقت في واقعي زوجي النرجسي او مديري المستفز او حادث ابني او ضياع فلوسي او مرضى او الصراصير في بيتي او الحرب اللي في بلدي او انقطاع الكهرباء او عدم الزواج
قبل ما تقول شيء وتجادلني
بطلب منك تجرب طريقتي
مش هتخسر حاجه
وبعد كده لو منفعتش معاك تعالي قول عني اللي تقوله لو محصلش معاك نتيجه
لكن صدقني مع بس أول تغيير انت هتلمس نتيجه مكنتش تتوقعها
…………………..
أنا بقول ان في قانون مهم في حياتنا هو المتسبب في صنع واقعنا بالكامل بكل تفاصيله
وده عرفته بالتطبيق والدليل مش مجرد من كلام الكتب
والقانون ده ببساطه اسمه قانون التركيز
ومفاده ببساطه
إن اللي إنت شايفه بوضوح ومركز عليه
صوره كامله التفاصيل
بيظهر ويتجلي في واقعك
يعني ايه الكلام ده
يعني مثلا انت مركز على الاشخاص الخاينين وشايفهم كتير قدامك وبوضوح
فبالتالي هيظهر لك في حياتك كتير منهم
شايف ان الحياه كلها ظلم مش هيظهر لك الا اللي يظلمك
اتربيت وسط بيئه فقيره وكل أفكارك بتدور حول الديون والفقر وقله الفلوس ودماغك مليانه معتقدات من عينه
الفقر نعمه، والاغنياء فاسدين، والفلوس مش كل حاجه
طبيعي مش هتشوف غير مزيد من الفقر والنقص
هتسألني أكيد وتقول
طيب لو فرضنا ان كلامك صح يا مستر عمرو
إزاي أقدر أغير واقعي وما يتجلي فيه بتغيير الصور دي؟
هقولك هات ورقه وقلم وجهز كوب الشاي وإكتب التفاصيل الجايه عشان تفندها وتفنطها براحتك وتشتغل عليها عشان تدعي لي
ملحوظه بس مهمه
متقولش المقال طويل وتضيع على نفسك فرصه كورس مجاني في البوست
اجمد كده مره واحده وكمل بطل كسل وتسويف
……………….
– أسرار التجلي وآليات تغيير الواقع
لمده لا تقل عن 15 يوم
هتوقف شكوى تماما وهتستبدلها بالامتنان
لأن اللي بتشتكي منه انت شايفه بوضوح وبالتالي هيتكرر في واقعك
لذلك لما تتوقف عن الشكوى هتقلل فرص ظهور الصور دي
بل كمان لما تبدأ تمتن وتشوف الجميل بس في كل شخص أو شيء أو حدث هيزيد المميزات اللي فيه
شوف الطيب في زوجتك بس وركز مع مميزات تليفونك وامتن لصحتك مش تشتكي من اوجاعك
ركز عالجميل في بلدك وبيتك وعيلتك وامتن لوجوده عشان يزيد
☘🌻 ثانيا الرفض والتقبل
لمده لا تقل عن شهر
هتبدأ تحصر كل شيء بتكرهه او تضايق منه او ترفض وجوده او تشمئز منه او تزدريه او متعصب بشده نحو او بتحكم عليه أو بتدينه
وهتقرر تتوقف عنه ولا تتفاعل معاه كأنه غير موجود
عشان توقف تكراره
متقولش فلان نرجسي او تشمئز من فلان لانه شاذ جنسيا او تكره اللي على غير أفكارك او تكون عنصري للي مش نفس دينك او ترفض اللي بيشغل موسيقى بصوت عالي او تتخنق من الناموس او تمتعض من شويه حر أو تبغض اللي بيكذب
ابدأ تقبل كل شيء وشوف الكويس فيه وقول كل شيء موجود لحكمه وسبب
ومش معنى التقبل انك تسمح بالتعدي
تقبل لكن ضع حدود لعدم التعدي
التقبل مش معناه اني موافق عليه
ولكن انا متقبل وجوده ومحايد معاه ولا بحب ولا بكره
☘🌻 ثالثا ما تبتعد عنه وما تتوجه نحوه
لمده 15 يوم عالاقل
هتبدأ تغير تركيزك من اللي بتبتعد عنه وعايز تتخلص منه
زي كرشك اللي عايز تنزله استبدله بأنك عايز تكون في لياقه
ومرضك اللي بتعاني منه وعايزه ينتهي
ابدأ ركز على اللي صحتك كويسه فيه
متركزيش ان لسه لم ياتيكي عريس او تجذبيه ازاي
ركزي ان حياتي على أفضل حال ومش محتاجه شيء
أتوجه نحو الوفره بدل بعدك عن الفقر
اتوجه نحو الصحه مش تطلب ان المرض يبعد عنك
☘🌻 رابعا ما تخاف من حدوثه والتحرر
المثل بيقول اللي بيخاف من العفريت يطلع له
وخوفك من حدوث الشيء يجعل صورته واضحه فيحدث
لمده شهر عالاقل
اكتب قائمه بكل ما تخاف منه او من فقده
وتخيل انه حدث بالفعل
يا ترى هعمل ايه وهتصرف ازاي واخلق لنفسك حلول لو حدث وبكده تتحرر منه
مثلا خايف ان هاتفي يتعطل
تخيل انه تعطل وشوف ايه الحلول اللي هتعملها لاحقا
خايفه جوزي يتجوز عليا او اني اتطلق
تخيلي ان ده حصل
شوفي هتكملي حياتك ازاي وايه الحلول
☘🌻 خامسا ما تتفاعل معه وتتعاطف معه
لمده 10 ايام
شوف ايه اللي بتتفاعل معه من أحداث
لأن اللي بتتفاعل معه انت شايفه بوضوح وبالتالي هيعاد ظهوره
فلانه اتطلقت
يا ترى هتعيش ازاي وليه حصل كده دي انسانه كويسه
بمجرد ما وضعتي نفسك مكانها انتي خلقتي نسخه منها ليكي
هي ليها اختبارها واستحقاقها اللي مش شرط يكون استحقاقك
ركزو على ايه اللي بتتفاعلو معاه
زي التريند او المسلسل او حدث في العيله
عشان تفاعلكم هيخلق لكم المزيد منه
كل اللي فات ده كفيل انه يغير واقعك بنسبه 70% والباقي بيتوقف على الكارما ومعتقداتك ودي هتكلم عليها بالتفصيل لاحقا
كل اللي فات ده ملخص بسيط لكورس أسرار التجلي اللي بقدمه حاليا
ولكن طبعا الكورس بتفصيل أكثر
دلوقتي قدامك طريقين حسب ظروفك وامكانياتك
يا اما تمشي عالخطوات اللي فاتت بنفسك
ولكنها محتاجه تحفيز قوي والتزام يومي وعمل مجهد ومراقبه لكل لحظه
بس لو نويت بصدق تقدر تعملها
او إنك ممكن تنضم لرحلتنا الجايه في كورس أسرار التجلي وتكون مع مجموعه بتشتغلو سوا ومتابعه مني ومن مشرفين بيردو على أسئلتك ويوجهوك
وبشرح لكل ملف من الملفات اللي ذكرتها وطريقه تطبيقها
وكفايه التحفيز من الكل اللي بيساعدك عالالتزام والروح الحلوه وكأنك في بيت عيله
المهم انك لا تمشي وحيدا ابدا
وطبعا اللي جرب ده معايا قبل كده في كورسات مشابهه عارف بتكلم في ايه وصعب اشرحه في كلمات عن الجو داخل الكورسات المنظمه وبطلب شهادتهم كدعم وتحفيز لغيرهم
عموما الخيار بين ايديك
وبكل صدق بقولك ايا كان اختيارك
مفيش مدرب بيضع تفاصيل كورساته بطريقه تناولها بالشكل ده
الغالبيه بيخبي المعلومه عشان يبيعها في الكورس
ولكن انا عمري لا بعت ولا هبيع معلومه
انا باخد مقابل التنظيم والوقت والمتابعه والتحفيز وبس
والمعلومات كلها من عند الله ولله حطيتها باختصار بين أيديكم وبشكل مجاني وهدفي بس الغير يستفيد
متفكرش وورط نفسك
سواء في التطبيق مع نفسك بالتزام
او باشتراك في الكورس المدفوع
واقعك الجديد أصبح من اختيارك
اتمنى لكم أقصى استفاده
ياريت متبقاش بخيل وأقل حاجه اترك تعليق او تفاعل عشان المقال يوصل لأكبر عدد من الناس ويستفيدو منه. بقلم عمرو أبو مازن اقرأ أيضا ل ” عمرو أبو مازن ” : 💖💖 كيف تكتشف المعتقدات لتغييرها؟ 💖💖
اقرأ أيضا ل ” عمرو أبو مازن ” : 💖💖 معتقداتك تصنع حياتك 💖💖
اقرأ أيضا ل ” عمرو أبو مازن ” : 🌎كورس في مقال : كيف تتدرب على المراقبة حتى تصبح اسلوب حياه 🌎
اقرأ أيضا ل ” عمرو أبو مازن ” : 💖💖 تجاه الوفرة بعيدا عن النقص 💖💖
اقرأ أيضا : 💖💖 وضوح الغاية : لماذا تريد الحصول على هدفك؟ 💖💖
اقرأ أيضا : 🌍♾⛵ كيف نغلق الفجوة بين نوايانا و معتقداتنا 🌍♾⛵
اقرأ أيضا : 🌍♾⛵ فلسفة النعمة 🌍♾⛵
اقرأ أيضا : 🌍♾⛵ الرحمن و علاقته بقانون الجذب 🌍♾⛵
اقرأ أيضا : 🌍♾⛵ انت المسؤول عن كل شيء يحدث في حياتك 🌍♾⛵
اقرأ أيضا : 💗💗 لماذا لا تتحقّق امنياتك؟ ” اوشو ” 💗💗
DivaKhoolood3198 DivaKhoolood369 DivaKhoolood888 🌳⛵🔥🌊💳💰💶💴💵💸🌹✨👑☯🌈👀👂🐝🚀☘💃💎💗💗🌏❄🌲🐎🐂🦅🐉🌞🌝🌻🌸🌺🍇🍓🥂🎼🛬🛸🛳🔑🔮⚖☯♈♉✅👑333.777.555.369👑🔱⚜💲📣♾8⃣8⃣🆒🆕🆓🆙