🔑🌻🌱🏆 هل مازلت لا تعمل شيء جيد يفيد حياتك!
كيف تصنع وتزيل عاده!
وصفة سحرية لتقود حياتك للأفضل!
المقادير والوصف 👇👇👇👇
احنا عارفين ان عندنا عقل باطن وعقل واعي ولا ايه
العقل الواعي ده اللي بيفكر ويفنن ويغير
العقل الباطن ده اللي بيدير الجسم وينفذ تعليمات العقل الواعي بس بشروط
العقل الباطن عامل زي الطيار الآلي في الطياره
بياخد منك أوامر ويمشي عليها وانت تنام وترتاح
مثلا
انت في العادي بتصحي الساعه 10
ودي عاده ودي عملها العقل الباطن
وقررت تصحى الساعه 7.00
القرار ده بتاع عقلك الواعي
ولكن العقل الباطن بيخاف من قرارات العقل الواعي المتقلب الهوائي
فبيهاجم اللي بيعمله
فلو صحيت 7.00 اول يوم
تلاقي بيجيلك صداع ونقص نوم وخنقه وضيق
لو استسلمت للعقل الباطن بيتأكد انه صح وبيرجع للعاده القديمه
ولكن تاني يوم أصريت و صحيت الساعه 7.00
العقل الباطن يزود لك جرعه الصداع والنكد لعل المجنون ده يرتجع عن تهوره
تصر برضه وثالث يوم تصحى الساعه 7.00
يبدأ العقل الباطن يقول للجسم
استنو كده لحسن يكون العقل الواعي بيصنع عاده جديده في يومه اللي مش فايت ده
ولكن خليكو نص نص في اصدار الألم جايز هيرجع
تبدأ تلاقي الألم بيخف شوية عن أول يومين
والعقل الباطن بيراقب مدى اصرارك
لو كملت مثلا 7 ايام باصرار تصحى الساعه 7.00
يبدأ العقل الباطن يصدر قرار للجسم
قرار من إدارة الجسم ب الاستجابه للعقل الواعي والصحيان الساعه 7.00 وبهذا القرار تم إنشاء عاده جديده
في بعض الناس حسب اصرارهم بيتغير بين
7 ايام 15 يوم 21 يوم ولحد 40 يوم
حسب اصراره ومناوشاته مع العقل الباطن
طيب لو فرضنا انك بعد ما كونت عاده الاستيقاظ 7.00 صباحا قررت كعقل واعي تغيريها ل 10.00
بيحصل نفس الحرب ولكن بدرجة أقل لأنه رجع للملفات لقى انك كنت بتصحي قبل كده 10.00
فبيكون الألم أقل شوية
بنفس الطريقة بتتعمل العادات وتترسخ القناعات
مثلا دايما لو بنت بتسمع علطول قناعه
الرجاله كلهم خاينين
وتبنت الفكره دي خصوصا لو حصل موقف دعم الكلام ده من ظهور شخص خاين فعلا
بيترسخ وقتها المعتقد وبيتحفظ ويدخل أرشيف
تيجي بعدين تتعرف على شاب وتحبه ولكن حاجه جواها بتقولها شكله بيخوني
ويفضل العقل الباطن يجمع كل الادله لكده لحد ما يحدث
كل ما هنالك ان الملف ظهر عالسطح بناء على معتقدك القديم
مستني بس حدث يحصل يأكده
وفي ناس بتتبني قناعه كده من الناس حولها والمجتمع او من تجربة حد تاني وكمان ممكن من تعاطفه مع شخصية في مسلسل
اللي بيحصل كمان ان الشخص يفاجأ ان كل ما يغير حاجه للأحسن يلاقي وكأن شخص بيهدم اللي بيعمله
كل ده عباره عن مقاومات العقل الباطن بالعادات والقناعات اللي اترسخت جواه
وبيتضح كتير في التعاملات
تلاقي وضعك المالي كويس وترجع تاني للفقر
تكون علاقتك كويسه مع زوجتك وفجأة يدخل النكد تاني وهكذا
دي ببساطه فكره تكوين العادات والقناعات وقيس بقه عليها أحداث حياتك
اقرأ : 💖💖 الواقع هش : انت لست الواقع 💖💖
منتظر آرائكم عن مين اللي عنده عادات ومش عارف يغيرها او بتحصل له مشاكل ودلوقتي فهم أسبابها
ومين اللي قدر يغير قناعات وعادات كان بيظن انها مستحيل تتغير
وهبدأ بنفسي
كان عندي قناعه ان الجسم بيحتاج اكتر من 8 ساعات للنوم الكفايه وبقت عاده
دلوقتي بنام 5 او 6 ساعات وبيكفوني وبكون نشيط وبرضو بقت عاده
برضو كنت معتقد ان قراءه الكتب ملل
الان أقرأ كتاب كل أسبوع. بقلم عمرو أبو مازن
وأنصحكم بأول كتاب ” قوة العادات : : لماذا نعمل ما نعمل في الحياة الشخصية والعملية؟ ” ل ” تشارلز دويج “.
اقرأ أيضا ل ” عمرو أبو مازن ” : 💖💖 حياة جديده 💖💖
💎 لتحصل على نسختك الورقية من هذا الكتاب ” قوة العادات”، سجل في هذه المكتبة العالمية و احصل على أي كتاب تريده باللغة العربية أو الأنقليزية في أي مجال “كتب تنمية ذاتية، كتب صحة، كتب أطفال،كتب طبخ صحي، كتب سير و كتب أسرة و كتب أدب و خيال و كمبيوتر …” و استغل التخفيضات و العروض المتاحة كل شهر و كل موسم، الكتاب سيصلك الى باب بيتك بعد بضعة أيام من الطلب أينما كنت في العالم :
اقرأ : 💖💖اقتباسات من كتاب ” ما اعرفه على وجه اليقين ” ل ” اوبرا وينفري “💖💖
اقرأ : 💖💖ملخص كتاب ” انقذوا الطفل في داخلكم ” للدكتور ” تشارلز ويتفيلد “💖💖
اقرأ : 💖💖مقتطفات من كتاب “ذاتـك الـجـديــدة”ل “نيكـولا كـوك”💖💖
اقرأ : 💖💖اقتباسات من كتاب ” اخلع حذاءك ” ل ” ياسر حارب “💖💖
اقرأ : 💖💖 مقتبس من كتاب ” تعرف الى فكرك ” 💖💖
———————————————————————
بقلم : عمرو أبو مازن
رابط عمرو أبو مازن على الفيسبوك
DivaKhoolood369 DivaKhoolood888 🌳⛵🔥🌊💳💰💶💴💵💸🌹✨👑☯🌈👀👂🐝🚀☘💃💎💗💗🌏❄🌲🐎🐂🦅🐉🌞🌝🌻🌸🌺🍇🍓🥂🎼🛬🛸🛳🔑🔮⚖☯♈♉✅👑👑