💖💖 ليه بنخاف لما نحس اننا مفهومين ومتشافين ؟ 💖💖

0 700

🦋 ليه بنخاف لما نحس اننا مفهومين ومتشافين ؟⁦ ⁩

سيبك من السبب وركز في القصة دي 👇

احمد كان بيحب مي جدا ومي كمان بتحبه … وبعد رحلة … وصلوا في النهاية لحلم جميل اسمه الجواز.

احمد مش بس كان بيحب مي .. احمد كان بيتفنن في معرفة الطريقة اللي مي بتحب تتحب بيها .. احمد ماكنش بينسى أي مناسبة بعكس كل راجل بطبعه بينسى

مي كانت تعبر عن امتناننها وحبها لاحمد بشكل فوق الممتاز وكان ده سبب دايما في تحفيز احمد أنه يقدم اكتر

مي كانت شخصية محللة وودودة وكانت كعادة اي تاء مربوطة بتعشق التفاصيل

وبتركز معاها جدا وخصوصا التفاصيل اللي بيحبها احمد

مي وأحمد كانوا أشخاص اسوياء نفسيا وعلى الفطرة ولكن بدون اي وعي

مي وأحمد كان في بينهم اتفاقات كتير إيجابية وبيحترموها وبيحترموا بعض

احمد فهم مي ومي فهمت احمد

وفي مرة احمد كان سرحان لقى مي بتقوله ماتقلقش هتتدبر وربنا هيرزقنا ومش مهم نقص الفلوس بينا المهم نقص الحب

طول ماحنا بنحب بعض وبنحب حياتنا هنعدي اي حاجة

احمد ابتسم وعلى وشه علامات اندهاش

خدها في حضنه وهو طاير من الفرحة عشان مي حست بيه وفهمته من غير ما ينطق كلمة

احمد عنده مساحة افكار وقرارات مؤرشفة مش هتتنفذ وخيالات

حاجات في صندوق مايحبش حد يشوفه ابدا

مي بدأت تقرب اكتر وتفهم اكتر وشافت

شافت المناطق المظلمة اللي فيه وحست بمسؤولية تجاه انارتها ودعمها تجاهه

مي لبست قبعة الخبير لوقت أطول

بدأت تحلل وتربط وتسقط وتعكس

احمد بالنسبالها اتشاف شفاف

احمد اتعرى قدام مراته نفسيا

مراته حبيبته اللي بكل حب ناوية تدعم وتنور جوانبه المظلمة وتعمر زواياه المهجورة

احمد هرب

احمد بدأ يحس انه مش عارف يحس بخصوصية وأنه مكشوف

احمد الناس بره بتعامله بطريقة ووضع وبيحس بنفسه بره

يدخل البيت يحس بالبرد عشان عريان قدامها فيجري يهرب عشان يتدفى بلحاف الهروب

احمد بقى شايف أنه بيتشاف بنظر مي بالزاوية اللي هو هربان أنه يتشاف بيها

احمد كان بيشوف كل عيوبه الدفينه في مراية اسمها مي

كل ملفاته المقفولة واتردمت تراب بتتفتح في لحظة جواه اول مايشوف مي

في حين أنه مش ده اللي بيفتح في عقل مي وانما المفتوح هو النية الإيجابية للدعم

مي مش فاهمة ليه احمد بقى يهرب

ويتأخر

وينسى المناسبات

اتخلقت فجوة بينهم للمرة الأولى مش فاهمة سببها

احمد عقله ربط الهروب من الماضي المؤلم ب مي

عقل احمد من خوفه الشديد من فتح الملفات دي بدأ يهرب من كل حاجة وحد بيفكره بيه واولهم (مي)

احمد بدأ يدور على حد يبصله بالنظرة اللي هو حابب يتشاف بيها

احمد لقى آمان ‘زائف’ بره بيته

وهنا يستلم الشيطان قيادته لغرفة تحكم ميكانيزمات الدفاع ويبررله كل تصرف ويجمل كل قبيح عشان تقبله

وتبدأ العلاقة بشكل محزن في التآكل واستنزاف ونقد ولوم وغضب وبُعد

واتخذت الوضعية الصحيحة لمسار النهاية

ماحدش كان يتوقع أنه احمد ومي ينفصلوا

ماحدش كان بيشوفهم الا وياخدهم نموذج راقي للحب والسكن

ماحدش كان يتوقع أنه السبب في تدمير كل الخلايا الصالحة دي خلية واحدة بس

والغريب أن تلك الخلية صالحة أيضا والأغرب انها كانت سببا في نهاية تلك العلاقة

مش كلنا ماشين رايحين جايين عندنا نية جاهزة وصادقة برغبة في التغيير ومستنيين بس اللي يشوفنا ويوجهنا

صدقني النية مش انك تقول بس انا قررت

لو جوارحك ماحستهاش واتحركت تجاهها هتبقي أمنية وليست نية

مش كلنا عندنا الرغبة والقدرة على المواجهة

العميل اللي بيفكر ساعات او ايام قبل زيارتي بيبقى فاكر أنه عنده نية

وبيقطع من وقته وماله وجهده عشان يتغير .. وهو لسة مش مستعد !

وبيخاف لو اتعرى … ولو لم احسن بفضل الله ان اتغابى واغض الطرف فيما لا يتعارض مع مصلحته النفسية لهرول الجميع من حولي

عرف اني سابقا اني قاطع للعلاقات ( وبيتقالي بهزار من العملاء ومن ومحيط اصدقائي ابعد عنها انت بس وهي تكمل )

الشخص من جواه عارف أنه كلامي صح

ولأن الحقيقة مش على هواه ورغبته

فالعقل يهرب

من الحقيقة ومني .. واول مايتخبط في الواقع انا اول شخص يهرب ليه مش منه

احنا مش مستعدين نتشاف حتى لو تظن حتى الان وانت بتقرأ المقال تظن أنك مستعد وجاهز

ماتتكلمش عن مهاراتك في السباحة وانت عالبر

انزل البحر وخلينا نشوف

فبلاش ارجوك تقرب اكتر من اي علاقة

طول مانت مش متخصص أو عالاقل مش فاهم هتتصرف ازاي وبحذر

وطول ما الشخص اللي قدامك لسة ماقررش يتعرى بإرادته ويتشاف وهو متطمن وناوي مش بيتمنى.

بقلم محمود الحسيني

اقرأ في نفس السياق : ‏💖💖 هل الزواج ينهي الحب؟ 💖💖

اقرأ أيضا في نفس السياق : الظل من وجهة نظر ديباك شوبرا

💎 سجل في هذه المكتبة العالمية الرائعة ” جملون ” و احصل على أي كتاب تريده باللغة العربية أو الأنقليزية في أي مجال “كتب تنمية ذاتية، كتب صحة، كتب أطفال،كتب طبخ صحي، كتب سير و كتب أسرة و كتب أدب و خيال و كمبيوتر …” و استغل التخفيضات و العروض المتاحة كل شهر و كل موسم، الكتاب سيصلك الى باب بيتك بعد بضعة أيام من الطلب أينما كنت في العالم :

https://bit.ly/2lIYuXr

اقرأ في نفس السياق : 💖💖 الزواج ليس في حد ذاته انجاز 💖💖

ان كنت مسجلا في المكتبة سابقا، توجه مباشرة لهذا الرابط للحصول على نسختك الورقية من أي كتاب تريده : https://bit.ly/2lH9XqQ

اقرأ في نفس السياق : 💖💖لا تتزوج💖💖

اقرأ : 🔥🔥إذا اخترت أن تحب امرأة واعية، لا يمكنك البقاء نائما🔥🔥

اقرأ : 💖💖 أقوال غابرييل غارسيا ماركيز 💖💖

اقرأ : 💖💖الحقيقي سوف يتقبلك كما انت💖💖

اقرأ : 💖💖 النفاق وما أدراك ما النفاق 💖💖

اقرأ : 💖💖 دروس من تجربة الحياة 💖💖

اقرأ : 💖💖 رسالة الى ابنتي الحبيبة 💖💖

——————————————————-

بقلم : محمود الحسيني

رابط محمود الحسيني على الفيسبوك

اترك رد

لن يتم نشر عنوان بريدك الإلكتروني.