💖💖 كيفية التعامل مع الخلافات و المشاكل الزوجية 💖💖

0 479

🦋 كيفية التعامل مع الخلافات و المشاكل الزوجية :

جاتلي من يومين رسالة بتقولي “أنت ليه بتحاول تقنع الناس على سوشيال ميديا إن علاقتك بمراتك مثالية، ومحسسنا إن مافيش بينكم أي خلافات أو مشاكل”.

الحقيقة أنا عمري ما قولت إن علاقتي بآمنة مفيهاش خلافات. بالعكس وجود الخلافات في أي علاقة دليل على صحتها. علاقة بدون خلافات ومواجهات يعني علاقة مليانة أسرار. العبرة مش إذا كان في خلافات ولا لأ، إنما في إزاي بنقدر نتعامل مع الخلافات دي. فردي على الرسالة هيكون بإني أتكلم عن قناعاتنا وأدواتنا في التعامل مع الخلافات:

المواجهة، لأن السكوت والتكتم علشان “المركب تمشي” هي أسوء طريقة لحل المشاكل. مش مهم ان المركب تمشى وخلاص، على قد ما مهم انها تمشى في الطريق الصح.

مفيش حد ليه حق الوصاية على التاني. كل واحد ليه حرية الرأي وحق الرفض أو القبول بنفس النسبة تماما. والرأي اللي هيمشي ملوش علاقة بكوني راجل أو كونها ست، إنما بكونه الرأي اللي في مصلحة أسرتنا وعلاقتنا، بعد ما واحد فينا يقدر يقنع التاني برأيه.

لو ماحدش قدر يقنع التاني، طرف فينا بيضحي. بيضحي مش بيتنازل. التضحية من قوة والتنازل من ضعف. القوة بتيجي من امتنان الطرف التاني مش احساسه بالانتصار. أصحاب العلاقات الناضجة بيفضّلوا انهم يخسروا المناقشة مقابل إنهم يكسبوا العلاقة ويضمنوا سلامتها واستمراريتها.

– وقت الخصام (أو الـ Break) بنحاول نتكلم مع بعض في أقرب فرصة ممكنة، ولو ملقناش فرصة طول اليوم مستحيل الخصام يستمر لتاني يوم. من أكتر الحاجات اللي بفتخر بيها وبعتبرها مقياس لنجاح علاقتي مع آمنة هي إننا من وقت ما عرفنا بعض من 5 سنين ولا مرة حد فينا نام وهو زعلان من التاني (الحمد لله).

الاعتذار، الاعتذار مش دايما معناه إن الشخص اللي بيعتذر هو الغلطان. الاعتذار في بعض الأحيان معناه إننا بنقدر علاقتنا أكتر من الـ ego بتاعنا.

النضج، عمرنا ما دخلنا أهلنا أو أصدقائنا في أي خلاف بغض النظر عن حجم المشكلة أو نوعها. أنا وامنة مؤمنين تماما إننا نمتلك من النضج اللي يخلينا نحل مشاكلنا بنفسنا، تماما زي ما اختيارنا لبعض وجوازنا من بعض كان بنفسنا.

رصيد الحب، مفيش حاجة من اللي اتكتبت فوق هتحصل بدون رصيد كافي من الحب الحقيقي اللي تتسند عليه وقت الخلافات. الحب الحقيقي ليه ثلاث مراحل: الانبهار، والاكتشاف، والتعايش:

الانبهار: في المرحلة دي بتشوف الشخص اللي بتحبه وكأنه كامل، ظريف وخفيف الظل، وهتشعر انه مختلف عن كل اللي قابلتهم في حياتك، وإن الهارموني اللي بينكم هتمنع أي خلافات وهتحل كل المشاكل. قرار الارتباط في المرحلة دي بيخلي رصيدك من الحب الحقيقي صفر، وبتنتهي العلاقة مع أول مشكلة حقيقية.

الاكتشاف: هي مرحلة تعرف كل من الطرفين على الآخر مع مرور الوقت. “الوقت هو الضمان الأهم والأكبر والأعظم في نجاح أي علاقة”، الوقت كفيل بأن يكشف عيوب الشخص اللي انبهرت بيه، وإظهار حقيقة أنه مش كامل زي ما كنت فاكر، في الفترة دي المواقف والأفعال وتقلبات العلاقة هي اللي بتشحن رصيدك بالحب.

التعايش: في المرحلة دي بيصل الطرفان إلى معرفة كاملة بعيوب بعضهم٬ وبتكون عندهم القدرة على معايشتها والتكيف معها. الحب الحقيقي هو مرورك بالثلاث مراحل دي بنجاح، لأن دا معناه أنك عرفت شخص وأدركت عيوبه وأصريت على الحياة معاه رغم كل الاختلافات والخلافات.

النهاردة بيصادف الذكرى الرابعة لخطوبتي بآمنة والخامسة لبداية علاقتنا. نحتفل اليوم بخمس سنوات فيها الكثير من الخلافات، والغضب، والدموع، و”سيبني لوحدي” و “مش عايز اتكلم”، و”أنا زهقت”، و”مش قادر(ة)”، ولكن كان عندنا رصيد كافي من الحب والثقة والاحترام، ورغبة في الاستمرار، و”أنا أسف(ة)”، و”أنا الغلطان(ة)، و”أوعدك إني هحاول” بتخلينا نتخطى خلافاتنا ومشاكلنا مهما كانت صعبة أو كبيرة.

اقرأ ايضا ل ” شريف عمّار ” : 💖💖 الزواج ليس في حد ذاته انجاز 💖💖

💎 أنصحكم أحبتي بقراءة كتاب  ” عزيزتي ليلى ” للكاتب ” شريف عمّار ” :

لتحصل على نسختك الورقية من هذا الكتاب الرائع و الشيّق، سجل في هذه المكتبة العالمية  ” جملون ” و احصل على أي كتاب تريده باللغة العربية أو الأنقليزية في أي مجال “كتب تنمية ذاتية، كتب صحة، كتب أطفال،كتب طبخ صحي، كتب سير و كتب أسرة و كتب أدب و خيال و كمبيوتر …” و استغل التخفيضات و العروض المتاحة كل شهر و كل موسم، الكتاب سيصلك الى باب بيتك بعد بضعة أيام من الطلب أينما كنت في العالم :

https://bit.ly/2lIYuXr

ان كنت مسجلا في المكتبة سابقا، توجه مباشرة لهذا الرابط لكتاب ” عزيزتي ليلى ” :

https://bit.ly/2CiDC24

ان كنت مسجلا في المكتبة سابقا، توجه مباشرة لهذا الرابط للحصول على نسختك الورقية من أي كتاب تريده : https://bit.ly/2lH9XqQ

اقرأ ايضا ل ” شريف عمّار ” : 💖💖الزواج وسيلة مش غاية💖💖

اقرأ ايضا ل ” شريف عمّار ” : 💖💖 رسالة الى ابنتي الحبيبة 💖💖

اقرأ أيضا : 💖💖 ليه بنخاف لما نحس اننا مفهومين ومتشافين ؟ 💖💖

اقرأ أيضا : 💖💖 متطلبات اي علاقة صحية بين زوجين 💖💖

اقرأ أيضا : 💖💖 نصيحة براد بيت القوية عن الزواج 💖💖

اقرأ أيضا : ‏💖💖 هل الزواج ينهي الحب؟ 💖💖

اقرأ أيضا : 💖💖 حقيقه الزواج 💖💖

اقرأ أيضا : 💖💖لا تتزوج💖💖

——————————————————-

بقلم : شريف عمّار

رابط شريف عمّار على الفيسبوك

اترك رد

لن يتم نشر عنوان بريدك الإلكتروني.