💖💖 فوائد الحسد و هل الحسد بارانويا؟ 💖💖

0 644

💥 فوائد الحسد ( محمد طه )..

مجتمعاتنا متمسكة جداً بفكرة الحسد.. وغير مستعدة لمجرد التفكير فيها أو مراجعتها أو حتى إعادة النظر لها..

الحسد مذكور فى القرآن.. طبعا.. وموجود.. وناس كتير بتحسد فعلاً.. بمعنى انها بتتمنى زوال النعمة وانقضاءها عن صاحبها.. لكننا بنبالغ جداً فى رؤيتنا لتأثير الحسد.. واعتقادنا بمدى قدرة الحاسد.. وتصديقنا فى قوته وأثر فعله..

احنا بنضفي على الحسد أوصاف خارقة.. وبنحيطه بهالة كبيرة من الخزعبلات والخرافات والأساطير.. وبنضع الحاسد فى مراتب ومصاف الآلهة.. بدون أي مبالغة..

لما بنشوف عرض نفسي عند أحد المرضى، ويكون المريض متمسك بالعرض ده جداً وبيقاوم تغيره أو اختفاءه، بنسأل نفسنا سؤال مهم : هو إيه وظيفة العرض ده عند المريض؟ ايه الفايدة اللى بتعود عليه من استمرار وجوده؟ ايه اللى هايخسره المريض لو تخلى عن هذا العرض؟

يعني مثلاً، فيه مجموعة أعراض شهيرة فى الطب النفسي اسمها أعراض البارانويا.. يعنى حد متصور ان الناس بتكرهه، بتتكلم عليه، بتتآمر عليه وبتدبر له المكائد أحياناً.. بيراقبوه وبيتجسسوا على كلامه وأفعاله وأحياناً نواياه.. عاوزين يموتوه.. عاوزين يخلصوا منه.. بيحطوله السم فى الأكل.. مركبين له كاميرات مراقبة.. بيقروا أفكاره.. وتصورات واعتقادات أخرى من هذا القبيل.. بنسميها ضلالات Delusions..

وقد يتمادى الأمر تعقيداً، ويبدأ المريض فى صنع روابط وهمية بين بعض الأحداث (هو أكيد حصل كذا لأنهم عملوا كذا….)، وتفسيرات غير منطقية لبعض المواقف (الحروف دى مترتبة بالشكل ده، علشان توصلي رسالة كذا…)، ويتكون ما يسمى بالذاكرة الضلالية Delusional Memory و سوء التفسير الضلالي Delusional Misinterpretation.

لما نيجي نفكر فى وظيفة هذا العرض لدى المريض بنلاقي ان ليه وظيفة بسيطة جدا، وعميقة جدا فى نفس الوقت. الوظيفة هى توصيل رسالة نفسية هامة وحيوية للمريض بتقوله: انت مهم.. انت وجودك ليه لازمة.. انت من اهميتك الناس بتكرهك.. ومن خصوصيتك بيراقبوك ويتآمروا عليك.. ومن تميزك عاوزين يحطولك السم فى الأكل ويموتوك.

الرسالة البسيطة دى بتحاول تعوض رسايل كتير بتكون وصلت للمريض منذ طفولته بتقوله: انت قليل.. انت مالكش أي لازمة.. وجودك مايعملش أي فرق..

الرسالة المرضية التعويضية دى ممكن تحمي المريض من الانتحار.. حتى لو كان الثمن هو الجنون.

الحسد موجود.. لكن الاعتقاد الشديد بمدى تأثيره هو شكل من أشكال البارانويا..

الحسد مذكور فى القرآن.. لكن إصباغ قدرات و صفات إلهية على الحاسد مش مذكور فى القرآن..

الحسد رغبة شريرة سوداء فى نفس الحاسد.. لكنها ولا بتفقر.. ولا بتمرض.. ولا بتموت.. بالعكس.. دى بتاكل فى روح صاحبها أكتر من أي حد تاني..

الحسد مش بيفقر غير شخص فقير المعرفة، ضعيف المنطق السليم.. أنا مهم وجامد وناجح أوى.. علشان كده بيحسدوني..

ومش بيُمرِض غير أفراد وعائلات غارقة فى التأويلات والتفسيرات الوهمية المريضة.. هو جاله مغص علشان العين.. وهى ماتجوزتش علشان محسودة..

ومش بيموّت غير فى مجتمعات معادية للعلم والثقافة والفن والدين الحقيقي.. ده اتشل علشان اتنظر.. وده جاتله جلطة علشان اتحسد..

الحسد هو بارانويا المجتمعات المتأخرة..

طبعاً فيه وظايف وفوايد تانية كتير ورا هذا التمسك الشديد بقوة الحسد وتأثيره..

الحسد بيعفى من المسؤولية.. ده سقط علشان اتحسد.. وده فشل في شغله علشان راكبه عفريت.. ودي اتطلقت علشان معمولها عمل..

الحسد بيبرر الكره والبعد وقطع الأواصر.. ولاد خالتها بيحسدوها.. أصحابَك عينيهم عليك.. الناس مش سايبانا في حالنا..

الحسد بيمنع الامتنان.. بيمنع الشكر والعرفان بالجميل.. بيخليك ماتشوفش عطاء غيرك ليك.. وتشوف بس عطاءك لغيرك.. بيخليك بدل ما تبص للحاجات الحلوة اللى فى حياتك وتمتنّ ليها .. تركز على المساوئ والصعوبات والبلاوي وتشتكي منها.. بالمناسبة، الكتاب الأشهر والأهم لعالمة النفس البريطانية الشهيرة ميلانى كلاين كان اسمه Envy and Gratitude.. “الحسد والامتنان”.. علشان الحسد عكسه الامتنان..

الحسد بيخليك تعيش دور الضحية.. وتستمتع بيه.. وتستمر.. وتعمل دماغ منه.. وتلبّس أي حد من اللي حواليك.. أى حد معدى فى الشارع.. أى حد يعرفك أو مايعرفكش.. دور الجانى.. ويالها من نشوة..

الحسد بيخلق مهن ووظايف وبيزنس كبير جداً.. اسمه الدجالين والمشعوذين والمعالجين الروحيين..

الحسد بينمو كلما قل الوعي، ويكبر أينما خفت العقل، ويترعرع حيثما اضمحل الفكر..

هل الكلام ده هايغير أي حاجة؟

لأ..

لأن التنازل عن معتقد متجذر ومتأصل بالشكل ده معناه انهيار بناء الشخصية تماما..

ولأن التخلى عن يقين راسخ بقوة الحسد الخارقة معناه ان الناس تصحى الصبح تشيل مسؤولية حياتها وأفعالها ونتائج أفعالها بنفسها..

ولأن اهتزاز.. مجرد اهتزاز هذه المنظومة الفكرية الثابتة معناه زلزال عقلى ونفسي وروحى شديد للغاية..

ماهي الناس اللي متصورة ان ابنها محسود علشان جاب خمسة وتسعين فى المية فى الثانوية العامة تروح فين؟

والناس اللى مصدقة انهم محسودين على التكييف الجديد يعملوا إيه؟

والناس اللى بتخاف تلبس لبس جديد احسن يتحسدوا يودوا خوفهم فين؟

لكن هانعمل إيه.. ماهو العلم علم..

يا سيدى انت مهم ومطلوب ومرغوب.. بس بقدر ما بتتعب وتعمل وتجتهد.. مش لازم تتصور انك أهم واحد في الدنيا وكل العيون عليك..

يا أخي انت موجود ووجودك ليه لازمة وكل حاجة.. بس بقدر ما تضيف للوجود.. مش بقدر خيالاتك المريضة ان قرايبك ومعارفك وأصحابك بيحسدوك..

يا ستى انتى زى الفل.. باحساسك بنفسك وثقتك فيها وعلاقتك بالحياة.. مش بتفسيراتك الوهمية الخرافية لكل اللي بيحصلك انه عين وحقد وغل وحسد..

قليل من العقل.. يرحمكم الله..

اقرأ في نفس السياق : 💖💖 المعنى العميق للحسد و قوة الحسد الايجابي 💖💖

و كما قال ” صلاح الراشد ” :

خياراتك مفتوحة اشغلها بما تريدالتفرغ للدراسة ساعة ونصف يومياً لمدة سنتين ونصف تعادل شهادة ماجستير علمي في كبرى الجامعات العالمية (حسبتها من جامعة أكسفورد)، وساعتين يومياً من التفرغ العلمي (برأيي) يساوي أن تكون متخصصاً في فن أو علم من العلوم. وثلاث ساعات يومياً في سنتين (برأيي أيضاً) يعني أنك في مقدمة الركب مع فن أو علم معين.البعض يقضي 4 الى 6 ساعات يومياً في الوتساب والانستغرام وتويتر وسناب تشات والفيسبوك ومهازل اليوتوب والتركيبات وأمثالها من تغريدات وبوستات الجدل في الطائفية والقبلية والسباب والشتائم ومتابعة الأخبار والتحليلات السياسية الخ.بعد 5 سنوات سيعرف أن خياراته كانت مفتوحة لكنه كان يختار ألا يختار، ثم يمكنه بعدها أن يلوم الحكومة أو الشعب أو الوالدين أو المشايخ أو العلمانية أو إسرائيل أو أمريكا أو الشيطان أو المس أو المرض أو الحرب أو متابعة أخبارها.. الخ.

💎 أنصحكم أحبتي بقراءة كتب  ” محمد طه ”  :

لتحصل على نسختك الورقية من كتبه الرائعة، سجل في هذه المكتبة العالمية  ” جملون ” و احصل على أي كتاب تريده باللغة العربية أو الأنقليزية في أي مجال “كتب تنمية ذاتية، كتب صحة، كتب أطفال،كتب طبخ صحي، كتب سير و كتب أسرة و كتب أدب و خيال و كمبيوتر …” و استغل التخفيضات و العروض المتاحة كل شهر و كل موسم، الكتاب سيصلك الى باب بيتك بعد بضعة أيام من الطلب أينما كنت في العالم :https://bit.ly/2lIYuXr

ان كنت مسجلا في المكتبة سابقا، توجه مباشرة لهذا الرابط لكتب ” محمد طه ” :

https://bit.ly/31aNogt

اقرأ في نفس السياق : 💖💖الأزمة الحقيقية هي أزمة وعي💖💖 و 🔥🔥 من تخاريف مجتمع 1 🔥🔥

ان كنت مسجلا في المكتبة سابقا، توجه مباشرة لهذا الرابط لكتاب ” الخروج عن النص ” ل ” محمد طه ” :

https://bit.ly/32225S1

اقرأ في نفس السياق : 💣💣الخوف من الحسد💣💣

ان كنت مسجلا في المكتبة سابقا، توجه مباشرة لهذا الرابط للحصول على نسختك الورقية من أي كتاب تريده : https://bit.ly/2lH9XqQ

اقرأ: 💖 كيف يعمل الامتنان؟ لماذا مارست الامتنان فترة ولا تغير شئ وماتحقق مااريد واحيانا يحدث العكس ؟

اقرأ أيضا : 💖💖 نقل النميمه والاشاعات أو القيل والقال 💖💖

اقرأ أيضا : 💖💖 أقوال غابرييل غارسيا ماركيز 💖💖

اقرأ أيضا : 💖💖الانسان هو في النهاية قضية!!💖💖

اقرأ أيضا : 💖💖 النفاق وما أدراك ما النفاق 💖💖

اقرأ أيضا : 💖💖القدر ارض خصبة💖💖

———————————————————————–

بقلم : محمد طه

رابط محمد طه على الفيسبوك

اترك رد

لن يتم نشر عنوان بريدك الإلكتروني.