💖💖 دروس من تجربة الحياة 💖💖

0 451

💥 دروس من تجربة الحياة ( وائل غنيم ) :

أغلى حاجة بتملكها في حياتك هي روحك اللي بين ضلوعك واللي بيرهن قيمة روحه على الناس أو الفلوس أو المناصب أو العقارات أو الشهرة مسيره في الآخر يخسر.

الحياة لعبة توازن، لو لعبتها أبيض وأسود هيتضحك عليك من تجار الأبيض وأسود. الحياة كلها طبقات من الرمادي ودورك إنك تستخدم كل حاجة ربنا وهبهالك عشان تلون اللوحة الجميلة اللي هتسيبها وأنت ماشي. كل تفاعل بتعمله مهما كان بسيط هو مؤثر في مسار الكون كله ولو كل إنسان راعى بوصلته الأخلاقية وتوازن في سلوكياته العالم هيتعدل. بس المشكلة إن ربنا ابتلانا بتجار حولوا الموضوع لطقوس مش تهذيب نفوس.

-اللي بيعيش متحكم في نفسه بيخسر كتير لأن محدش فينا يعرف قدرات نفسه الحقيقية لأننا كائنات حية جوانا عالم كامل من الخيال نقدر نطبقه في الواقع. كل ما بتتحكم في خيالك كل ما بتخسر من فتوحات ربنا عليك وكل ما بتتوتر أكتر لو الواقع خالف توقعاتك. حاول توازن شوية بين إنك تتحكم عشان متشطحش وفي نفس الوقت تطلق خيالك وتفكر خارج الصندوق. اقرأ : تمارين و تقنيات التخيل

– من احترام النفس إنك تبطل تشتمها وتهينها طول الوقت. كل ما يبقى عندك مشكلة حاول تستشير نفسك بشكل أنيق واعمل اللي تقدر عليه مش اللي بيتقال لك عليه إنه صح. ياما ناس أجبرت نفسها على رجيم قاسي ورجعت تتخن تاني، وياما ناس أجبرت نفسها على عادات سيئة وراحت لعادات أسوأ. العبرة دايما باللي بيحاول وهو محترم نفسه ومقدرها قدرها ومتفهم إنه بشر يصيب ويخطئ والعبرة بالتريند مش باللحظة.

– دايما حافظ على إنو يبقى فيه في حياتك ناس علاقتك معاهم مبنية عالاحترام المتبادل. الأصحاب اللي بيحترموا بعض ومش بيشتموا بعض حتى على سبيل الهزار، بيعلّوا من قيمة بعض قصاد بعض وبالتالي في الحياة.

– متزعلش على فراق إنسان ولا خسارة حاجة. الدنيا كلها متسواش عند ربنا جناح بعوضة وإنت هنا مش عشان تضايق نفسك وتتحكم في مصيرك بشكل ساذج يبوظلك لعبتك. إنت هنا عشان كل ما تتعرض لصدمة تخرج منها متواضع أكتر ومحترم نفسك أكتر وبالتالي واثق في نفسك أكتر وبالتالي أقوى. اقرأ : إذا ربحتَ نفسك ستربح كل شيء

– مساكين اللي بيشغلوا نفسهم بعدل ربنا وكأنهم دخلوا جوه مشاعر وأحاسيس كل البشر اللي هما بيتكلموا بالنيابة عنهم سواء كانوا مظلومين أو ظالمين. الحياة لعبة عادلة وكل واحد ورقته مختلفة عن التاني واللي هينشغل بتنصيف نفسه حكم على امتحانات الآخرين هييجي في الآخر خسران لأن اللي بيفهم هيتجنبه واللي مبيفهمش هيبقى صاحبه، وهيعيطوا في الآخر مع بعض.

الحياة زي البستان الكبير اللي مليان ورود وأشواك وأشجار وحشرات وطيور .. الصح والغلط فيها نسبي وبيقوم على تفهم الظروف المؤدية للظاهرة. واللي هيلعب لعبة الحياة بالصح والغلط زي ما قلت فوق هيلاقي نفسه بيخسر إنه يتعلم من ناس كتير وممكن ربنا يبتليه باللي هو بيسخر بيه على الناس. زمان كنت باسخر من الناس اللي كانت بتشرب سجاير وأقول عليهم مغفلين ومش فاهمين هما بيعملوا ايه. دلوقتي أنا باشرب سجاير لأني متعلمتش وقتها أحصن نفسي وانشغلت بالحكم عالناس.

– الصح والغلط جوه عقل كل بني آدم بيعتمد على وعيه وتربيته وظروف نشأته وأسرته ومدرسته وجامعته والحوادث اللي اتعرضلها وغيرها حاجات كتير. متحكمش عالناس لمجرد إنك شايفهم قصادك بيعملوا غلط لأنك متعرفش ظروفهم ولا تعلم يمكن هو في المراحل الأخيرة للتخلص من الغلط. الانشغال بالحكم على الآخرين والتستر وراء ذريعة “نصيحتهم” بينما هو تقطيم في الأساس هو سبب من أسباب أمراض المجتمع. اقرأ : النفاق وما أدراك ما النفاق

الأهلاوي ينشغل بإصلاح النادي الأهلي ويراقب تصرفات رموزه، والزمالكاوي ينشغل بإصلاح نادي الزمالك ويراقب تصرفات رموزه، والعقلاء في الطرفين يبنوا علاقة وثيقة قائمة على الروح الرياضية هتلاقي حال الرياضة ينعدل والإعلام الرياضي يبقى بينشر قيم جميلة بين الناس. ودي مش يوتوبيا ولا كلام مستحيل، دي مسألة وقت لكن محتاجة تربية وتزكية للنفوس.

– الله محبة وعشان كده ضروري تفهم إن سلوكيات الناس اللي بتربط نفسها بربنا مينفعش تكون في دماغك وسيلة للتقليل من ربنا. حاول تفكر بره الصندوق وتفهم إن الكون البديع اللي كله تناسق ده مينفعش يكون كله صدف لأن لو كان صدفة كان حصل أي صدفة من آلاف السنين نروح بيها كلنا. اقرأ : لا يوجد هناك صدفة مطلقاً

– كل فعل في الدنيا هو رد فعل لفعل. لو انشغلت بتبرير الخطأ في رد الفعل بسبب الخطأ في الفعل، هنلاقي المجتمع بيعيش في دوامة من الأخطاء ومحدش عايز يعترف بغلطاته ونغرق كلنا. الصح نبدأ بنفسنا ونبطل تبرير الخطأ بسبب إن فريق تاني غلط. اقرأ : طاقة التسامح

– البني آدم المتعصب هو بني آدم مغرور اعتقد إنه فهم الدنيا وعرف مفاتيحها وأسرارها لمجرد إن حد لقنته كلام ديني أو كلام تنويري أو خلافه. الصحيح إن ربنا حاططنا كلنا في امتحان صعب والإنسان المتواضع هو اللي بدل ما يدعي حصوله على الحقيقة يسعى دايما يسمع لغيره من غير ما يحكم عشان يفهم. ويسيب الحكم لله لأن الحكم أصلا لله وشرع ربنا نافذ عالصيني قبل الأشموني. اقرأ : مقاييس دخول الجنة

– من حكمة ربنا إن الشجرة اللي ليها جذور قوية بتعيش وقت أطول وثمارها بتبقى أغنى. ده درس لينا عشان نفهم إن الخير في العمق وإن السهل في السطح. وإن اللي ينشغل بالسطح ويهمل العمق هيبوظ العمق ويبوظ السطح. التربة الغنية محتاجة رعاية وتهذيب وتشذيب. اقرأ : الخروج من السجن

– كل ما تلاقي نفسك بتكرر غلطة متزعلش من نفسك وحاول تفهم إن دي هدية. لأن الغلطة النهاردة أرخص من الغلطة بكره في لعبة الحياة لو بنراجع نفسنا كويٍس. لو كذبت على نفسك الغلطة هترجعلك تاني بشكل مختلف وأسوأ لحد ما هتلاقي نفسك واقع. اقرأ : التسامح مع النفس ومع الماضي

– السعيد مش من بره. أعرف ناس مليارديرات وتايهين. أعرف ناس على قد حالهم ومبسوطين. السعادة اللي من بره هي سلعة كل اللي لوثوا عقول الشباب ووعي الشعوب عشان يعملوا من وراهم فلوس. اقرأ : ما هي السعاده وما هي اسبابها؟

المعزول همه يطول. متعزلش نفسك مهما كانوا اللي حواليك مش كويسين. اتعلم تتواصل وطور من نفسك. اتعلم تتدافع عن حقك وتاخده بالطريقة اللي قصادك يفهمها مش بالطريقة اللي أنت متعود عليها. اتعود تغير من أفكارك لأن حتى لو اللي قدامك غلطان هتلاقي دايما فيه حاجة صح في كلامه ولو صغيرة جدا. اللي بيعيش قافل على نفسه بحجة إن الناس وحشة بيضيع حياته وييجي آخر الامتحان زي اللي قعد طول اللجنة متضايق إن الامتحان مش عاجبه.

اهتموا بأجسامكم. بطلوا تحقير منهم وسخرية منها. قللوا من تأثير سخرية أي حد على أي جزء في جسمك. كل ما هيزيد توترك وقلقك وحرصك على شكلك كل ما شكلك هيبان فيه التوتر ومش هتبقى راضي عنه. الإنسان اللي بيقدر يزبط من أفكاره ويرضى عن نفسه بيبان عليه الارتياح وعضلات وشه مش بتبقى متكلسة وقافلة. فكها على نفسك عشان عضلاتك تفك فدماغك تفك.

– افتكر : عندك أفكار بتزبط بيها خيالك وعندك بنات أفكار بتزبط بيها أفكارك وعندك مبادئ بتزبط بيها بنات أفكارك وعندك وعي بتراقب بيه كل ده وبتشوف تأثيره على تصرفاتك. ولما الواقع يخالف توقعاتك متزعلش، صلح من توقعاتك وارجع لعمق المشكلة عندك مش السطح لأنه خداع. اقرأ : اقبل تغيير في الخطة

– الناس زي الدهب بس خد بالك عشان الفالصو اللي مطلي بالدهب مفيش أسهل منه.

اقرأ أيضا : خلاصة الحياة و علامات انخفاض ذبذباتك الطاقية و من اجل التوازن و الايجابية

💎 أنصحكم أحبتي بقراءة كتاب ” كيف تتقن لعبة الحياة : حلول ل 369 مشكلة “ ل “سمية الناصر” و
كتاب ” اخلع حذاءك ” للكاتب “ ياسر حارب “  :

لتحصل على نسختك الورقية من هذه الكتب العميقة و المفيدة، سجل في هذه المكتبة العالمية  ” جملون ” و احصل على أي كتاب تريده باللغة العربية أو الأنقليزية في أي مجال “كتب تنمية ذاتية، كتب صحة، كتب أطفال،كتب طبخ صحي، كتب سير و كتب أسرة و كتب أدب و خيال و كمبيوتر …” و استغل التخفيضات و العروض المتاحة كل شهر و كل موسم، الكتاب سيصلك الى باب بيتك بعد بضعة أيام من الطلب أينما كنت في العالم :

https://bit.ly/2lIYuXr

ان كنت مسجلا في المكتبة سابقا، توجه مباشرة لهذا الرابط لكتب ” ياسر حارب ” :

https://bit.ly/2ZvqrCq

ان كنت مسجلا في المكتبة سابقا، توجه مباشرة لهذا الرابط لكتب ” سمية الناصر ” :

https://bit.ly/3gqtBOJ

اقرأ : 💖💖 لماذا البشر أكثر شرا أكثر مما نعتقد؟! 💖💖

ان كنت مسجلا في المكتبة سابقا، احصل مباشرة على نسختك الورقية من كتاب ” كيف تتقن لعبة الحياة : حلول ل 369 مشكلة ل “سمية الناصر”، يصلك الكتاب أينما كنت في العالم :

https://bit.ly/2NuGAlB

 او ان كنت مسجلا في المكتبة مسبقا،احصل مباشرة على نسختك الورقية من كتاب ” اخلع حذاءك ” للكاتب “ ياسر حارب “، يصلك الكتاب أينما كنت في العالم :

https://bit.ly/35QcMIJ

اقرأ : اقتباسات من كتاب ” اخلع حذاءك ” ل ” ياسر حارب “

ان كنت مسجلا في المكتبة سابقا، توجه مباشرة لهذا الرابط للحصول على نسختك الورقية من أي كتاب تريده : https://bit.ly/2lH9XqQ

اقرأ : 💖💖الحياة عادلة و متقنة كلما اقتربت من فهم الحقيقة💖💖

اقرأ : 💖💖من فترة كتبت سؤال: ما هي الحرية؟💖💖

اقرأ : 💖💖الانسان هو في النهاية قضية!!💖💖

اقرأ : 💖💖23 سر لتجعل المستحيل ممكنا💖💖

اقرأ : 💖💖 أوهام “الشخص الروحاني” 💖💖

اقرأ : 💖💖ليس كل نفس تذوق الحياة💖💖

————————————————————-

بقلم : وائل غنيم

رابط وائل غنيم على الفيسبوك

اترك رد

لن يتم نشر عنوان بريدك الإلكتروني.