💖💖 حياة جديده 💖💖

0 2٬536

💥 في الجزء الأول من المقال سنتناول ” طريقة جذب وخلق كل ما تريد في حياتك ” و في الجزء الثاني سنتكلم عن مراقبه ما تنوي جذبه لاكتمال هدفك : ( عمرو أبو مازن )

🔥 آليه جذب ما تحب ولا تحب :

سأشرح بالتجربة طريقة تكون الحدث ايا كان سلبي او ايجابي على أرض الواقع !

تخيلو معي بطريقة عمليه طريقة تكوين نقطة ماء تستطيع لمسها (الحدث) من العدم تماما (الفكره) !

قم بالوقوف بالقرب من مرآه وقم بتقريب فمك من المرآه
ثم قم بإخراج الهواء الساخن من فمك على نقطه محدده في المرآه
وكرر الامر لمده خمس دقائق كامله
في البدايه ستلاحظ ان المرآه لم تعد صافيه كما كانت ومع الاستمرار سيبدأ تشكل رذاذ بسيط على المرآه يزداد حجمها في النمو كلما استمريت في العمليه ثم تبدأ في الالتصاق ببعضها حتى تكبر اكثر ولا تستطيع المرآه تحملها فتنزلق على بعضها ونتجمع اكبر حتى تتشكل نقطة ماء تنزل على المرآه !
انت للتو خلقت شيئا تقريبا من أصغر مكون له !

تعالو نسقط هذا على حياتنا وطريقة جذب الأحداث التي نمر بها وجذب الأشياء الموجوده الان في حياتنا سلبيه كانت او ايجابيه !

البدايه في الفكره !
فالفكرة هي اصغر وحده ممكنه وهبها لنا الله بدأت في رأسك من العدم تماما !
هذه الفكره تخرج من رأسك الى الكون المسخر كما خرج الهواء من فمك على المرآه 
ثم تبدأ باستشعار الفكره والشعور يعطيها الحياه او ينفخ في الفكره الروح
كلما ركزت على الفكره وشعرت بها انها ستتحقق وآمنت بذلك (كما ركزت الهواء من فمك على المرآه)
تبدأ في تقوية نفسها بطاقه الشعور وتجوب الكون تجمع ما يشبهها من نفس التردد !
استمرارك في تعزيز الفكره وإيمانك الداخلي بنموها يجعلها تجلب المزيد من مثيلاتها !
(كما تجاذبت جزيئات الماء الصغيره على المرآه)
ثم يحدث الخلق المادي بعدما اكتملت الفكره من جذب كل شعور مماثل لها انت قمت بتقويته بايمانك بتحققها !
وتولد الفكره على أرض الواقع لأول مره وتتجسد حدث مادي ملموس !
قد يكون مشروع او زوج او موبايل او خساره او ميراث
حسب الفكرة الاصليه التي قمت بخلقها من العدم في البدايه !
ولكن لماذا يحدث الواقع السلبي أكثر
هذا يرجع لما خلقت من أفكار!
فمثلا عندما تشتكي من زوجتك فأنت بذلك خلقت فكره أولى عن وجود مشكله تجاه زوجتك !
ولكن الكون لا يهمه ذلك وهو محايد تجاه ما تطلق من افكار فيبدأ من خلال توكيداتك وشعورك بزوجتك من تكثيف الفكره وانت تدعمها بمشاعر الشكوى المتكرره فتتجلى وتظهر أسرع خصوصا وانت ممتلئ بالمشاعر السلبيه المتشابهه مع طاقة فكرتك او بذرتك او الذره الصغيره الأولى التي انت من صنعتها فتتجسد من تكاثفها مشكله كبيره !

اقرأ : 💖💖لقاء مع لويز هاي💖💖

اذا ما الحل لصنع كل الجيد من الأحداث !
ابدأ الان بصناعه الأفكار الجيده وراقب نموها وتكاثفها بنفس تجربه المرآه والبخار المتكاثف !
قم بقتل الأفكار السيئه لو غفلت عن المراقبه للحظه وذلك بتقبلها والسماح لها بالرحيل قبل أن تتشكل !
اذا
أطلق الأفكار الايجابيه
راقبها جيدا وبدقه
داوم على تكثيفها بالمشاعر والتخيل! اقرأ : 💖💖 تمارين و تقنيات التخيل 💖💖
آمن بأنها ستظهر واقع بالصبر عليها !
لا تعرقلها بمشاعر سلبيه تقلل من تكاثفها !
جهز نفسك ل استقبالها وولادتها الماديه !

الموضوع بهذه البساطه تماما !
والله قد أعطانا الدلائل الكثيره في البذره الصغيره التي تتحول شجره ممتلئه ب الفاكهه !
والحيوان المنوى الميكروسكوبي الذي يتحول انسان له عائله !
وذره البخار الغير مرئية التي تصبح امطار ثم أنهار !
وكريستالات الجليد الصغيره المتدحرجة والمكونه كرة ثلج عملاقه !
والاحرف الصغيرة التي نتعلمها فتصبح قصائد وكتب ووسيله تواصل !

المعادله سهله :
فكرة——->مشاعر ——> تجمع طاقات——> تجسد مادي!

اقرأ : 💖💖أنت تعيش في كونك الخاص 1💖💖

أنت تصنع عالمك الموجود الان !
كل ما هو موجود في حياتك أنت من أوجدته بالتفصيل !

🔥 وسنتكلم الآن عن مراقبه ما تنوي جذبه لاكتمال هدفك :

تخيلو معايا ان حياتنا الحاليه عبارة عن حديقة خاصة،
زرعناها منذ ولادتنا ببذور (أفكار) بتتنوع أشكالها بناء على معتقداتتا وموروثاتنا ونوع الفكرة وبنغذيها او نسقيها (بالمشاعر والتخيل ) وكل يوم بنحصد ثمار جديده من اللي زرعناه (الجذب).

ساعات نحصد رمان وتفاح وساعات صبار وحنضل وساعات بلح!
مش قصدي بلح يعني مفيش قصدي بلح اللي بيتاكل 😂

بعد ما اتعلمنا أصول الزراعه من طريقة جذب وخلق كل ما تريد في حياتك وفهمنا ازاي نزرع بذور صالحه تنتج ثمار صالحه.
الآن محتاجين نفهم المعوقات اللي بتقابلني عشان تطلع في النهايه الثمره الطيبه اللي تمنيتها!

طيب احنا قررنا التغيير
وراقبنا البذور اللي بنحطها (الأفكار) واخترنا الأنواع اللي بنحبها (تجنبنا القناعات الخاطئ)!

أولا لازم نكون متأكدين ان اللي وضعناه من بذور هيطلع الثمار اللي عايزينها (الايمان) ومحتاجين شويه وقت (الصبر) ولازم برضو نراقب بنسقيها ايه (المشاعر)،
عشان الثمار تطلع (الأهداف)،
وبيقابلنا خلال العمليه دي بعض المعوقات.

اقرأ : 💖💖حان الوقت لتنجح💖💖

💎 الأولى إن في بذور انا راميها من فتره ومش عارف بتاعت ايه وهي (كل فِكره طرأت في بالي عشوائيا)
فشويه يطلع أعشاب وشويه يطلع فول مسوس وساعات تطلع جوافه فيها ديدان (أفكار فاسده) ومشاعر سلبيه
وعشان اغير قناعاتي وافكاري اللي زرعتها سابقا محتاج وقت أقوم فيه بازاله الجذور الخبيثه
(الأفكار والقناعات والموروثات والعادات) السلبيه.

💎 النقطه التانيه ان البذور الجديده (الأفكار) بتاخد وقت عشان تطلع منها يومين ومنها سنتين بتتوقف على نوع المياه (المشاعر) والسماد العضوي (حماية الفكره من المداخل السلبيه) وازاله الحشائش التي تنمو جانبها (ازاله كل المعتقدات السلبيه).
فبالتالي على انتظار الثمار الجديده (الصبر) والحرث والسقايه (السعي من خلال التغذيه بالمشاعر) وتقبل وجود الثمار المهجنه والفاسده (الجذب السابق) التي زرعتها سابقا وأزيل الجذور الفاسده (المعتقدات والأفكار السلبيه)
والتعامل على ما انا عليه الآن من وضع لأنه قد يؤثر بالسلب عليّ إذا لم انتبه له.
فأقول لماذا مازلت على نفس وضعي السيء رغم تغيير أفكاري،
ولكن نسيت اني مازلت أحصد من زراعتي السابقه كما أن ثمارك الجديده تحتاج بعض الوقت.

💎 النقطه الثالثه والاهم :
ان اللي حواليك
اتعود على شكل حديقتك وخصوصا كل اللي حديقتهم جنب حديقتك
فبرغم انك بتحط بذور حلوه وجديده وبتحصد ثمار مختلفه
فبيبدأ جارك يحاربك بشعور او بدون ما يشعر :
منهم اللي بيقول ايه اللي خلاه بقى كده!
ما احنا بنزرع زي بعض!
وهو شايف انه بيسقي بنفس المياه حسب اعتقاده!
ومنهم اللي اتعود على شكل حديقتك القديمه وخايف من الجديد لأن باعتقاده ان القديم مضمون وعرفناه ودي عاداتنا اللي اتعودناها وكل جديد غلط وحرام بحسب اعتقاده.

ومنهم اللي مازال بيعطيك بذور فاسده وسقايه فاسده بقصد وبدون قصد!
كل وظيفتك تراقب انت بتاخد منهم ايه ومتسمحش باستقبال اي فاسد منها!

كل اللي فات ده حماده واللي جاي حماده تاني خالص!

عشان اعمل كل اللي فات لازم أكون مستيقظ تماما لكل لحظه واعي مدرك لكل فكره وكلمه ومشاعر مراقب لايماني وصبري،
وده بيحصل بالتعود على المراقبه!
بدون حزن على الثمار القديمه!
بدون انتظار الثمار القادمه!
كل ما تملكه هنا والآن فقط!

وعلي رأي روز في فيلم شركة المرعبين :
هاخد بالي منك هاخد بالي جدا!
لازم تراقب كل فكره بتخرج من دماغك!
كلمه ايه القرف ده فكره (بذره) بتنمو وتبقى ثمره (قرف)!
فكره الستات سبب المصايب بتنمو وتنبت لك ستات مصايب!
فكرة او كلمه موبايل زفت بتنمو ويبقى الموبايل زفت!
وبالمناسبة نمو السلبي او الايجابي بيكون اسرع بمرات حسب الوسط اللي فيه وبقدر ما اسقيه من مشاعر!

وعليه، محتاج لو انت في وسط سلبي وعشت فيه واتربيت فيه لازم تتعود تنفصل عنه حتى لو في وسطه
لازم نراقب مشاعرنا اللي بتغذي أفكارنا الجديده!
احساسك بالخنقه مشاعر بتغذي بذرتك!
شعورك بالظلم مشاعر سلبيه!
الشكوى مشاعر سلبيه!
الخوف أقوى المشاعر السلبيه!
صحصح لمشاعرك وحولها بسرعه للحب والنقاء والمسؤولية والعطاء والخير!

مهم نراقب كل البذور والجذور التالفة القديمة ونبدأ نمحيها ونحررها!
القناعه كنز لا يفنى – قناعه زفت دمرها
بعد كل فرح قولك خير اللهم اجعله خير ومنتظر مصيبه – قناعه زفت دمرها
الرجاله كلهم زي بعض – قناعه زفت دمرها
انا كده وهفضل كده – قناعه زفت دمرها
صعب جدا – قناعه زفت غيرها
انا حياتي كلها مشاكل ودراما – اقتل عم ضياء اللي جواك ودمرها

راقب كل واحد بيمنعنا من تحسين حديقتنا او يرمي لي بذور خادعه في النص!

يعني لازم اكون صاحي لكل فكره وكلمه ومشاعر ونيه وإيمان!

إصحى ليغفلونا!
استنو كده
ودي كمان قناعه زفت وهدمرها!

💎 أنصحكم بقراءة كتاب  ” الطاقة المذهلة للنية المتعمدة : عيش فن السماح ” للكاتب ” إستر هيكس ” :

لتحصل على نسختك الورقية من هذا الكتاب، سجل في هذه المكتبة العالمية و احصل على أي كتاب تريده باللغة العربية أو الأنقليزية في أي مجال “كتب تنمية ذاتية، كتب صحة، كتب أطفال،كتب طبخ صحي، كتب سير و كتب أسرة و كتب أدب و خيال و كمبيوتر …” و استغل التخفيضات و العروض المتاحة كل شهر و كل موسم، الكتاب سيصلك الى باب بيتك بعد بضعة أيام من الطلب أينما كنت في العالم :

https://bit.ly/2lIYuXr

اقرأ : 💖💖يمكنك شفاء حياتك “لويز هاي”الجزء 1💖💖

اقرأ : 💖💖تفعيل الرغبات ضمن مدار الوعي الإلهي💖💖

اقرأ : 💖💖 مقتبس من كتاب ” تعرف الى فكرك ” 💖💖

اقرأ : 💖💖القوانين الكونية الإثنى عشر💖💖

اقرأ : 💖💖رغبات محقّقة💖💖

احصل على منتوجات طبيعية و صحية و مكملات غذائية من Amazon :

———————————————————————

بقلم : عمرو أبو مازن

رابط عمرو أبو مازن على الفيسبوك

اترك رد

لن يتم نشر عنوان بريدك الإلكتروني.