??ابدأ برك !!??

0 2٬560


? هذا المقال باللهجة التونسية :

? برشا ناس ديما تسال فيا و تتساءل كيفاش نجمت نوفق بين داري و خدمتي و قرايتي و زيد ماازال عندي وقت لنشاطاتي الخاصة … 
خليني نقول حاجة !
? أولا : العقلية الي تبدلت فيا من مدة قصيرة و الي ممكن كانت السبب في نقلة نوعية في حياتي هي “لنفسي حق عليا”. 
يعني قبل حتى متكبر مسؤولياتي و نبعث مشروعي قررت فجأة اني نتلهى اكثر بنهال… نسمعها و نحاول نفهمها .. نعمل الحاجات الي تفرحها و ترتحها بالمتاح الي كان عندي … رجعت نلعب موسيقى … رجعت نركب الخيل … بالشوي بالشوي(معناها شيئا فشيئا) رجعت نحب الطبيعة… و كانت اسعد لحظات حياتي اني نتمشى وسط جبل و الا عالبحر ….
في وقتها كان الفرق الوحيد الي حسيتو هو اني بديت نستمتع مع روحي و في وحدتي بالامكانيات البسيطة الي كانت عندي … مكنتش شايفة فرق كبير في الحياة المادية …
لكن النشاطات هذي كانت تخليني نحافظ اغلب الوقت على مشاعر السعاة و الرضا الشيء الي خلاني ديما في ذبذبات و ترددات عالية …. 
و كيما الثنائي هيكس قالو : “أنت تجذب ما أنت عليه?” 
وقتها بدات تجيني افكار عمرها مكانت في بالي … و رجعت عندي روح المغامرة .. و قررت فجأة اني نبعث مشروعي الخاص…. 
أول ماحليت مكانش فما برشا ناس مشجعتني … بالعكس كان أغلبهم (وخاصة القراب ) رافضين الموضوع … حاجة عادية خاصة انو تربينا على فكرة المسمار في حيط و أضمن مستقبلك و الدنيا صعبة و البلاد موش متع مشاريع و.. و.. و.. 
كان فما صوت لداخل رغم بعض العراقيل يقلي:” كمل متسمعهمش، هوما يحبوك أما مهمش شايفين الدنيا بعينك …” 
حتى فكرة مشروعي الي استقر عليها تخمامي كانت عند البعض فكرة تافهة مفيها حتى ابداع و موش باش تكون مورد رزق ليا بل بالعكس قالولي باش تحل و تجري و تجري و شوف تخلط تخلص امورك شوف لا و مبعد تسكر كيما عملو الي قبلك … 
و الحمد لله كي يبدا عندك ايمان كبير و رابط مستقبلك بقدرة ربي و مسلملو و قتها وين تظهر المعجزات في حياتك … 
الحمد لله ليوم عندي في بلاصة المشروع مشاريع … و باذن الله الي قادم خير و خير … 
لكن هوني خلوني نرجع لكيفاش موفقة باش نكون ام و ربة منزل و في نفس الوقت عندي الشركة الخاصة و نقرا و نسافر و نلعب موسيقى و …… 
السؤال هذا ايجابتو باش تكون في جملتين … “وقت يكون هدفك واضح و ايمانك بالله كبيير و يقينك انو مع ربي مفماش حاجة مستحيلة… الظروف الكل باش تكون في صالحك لين توصل للهدف متاعك ” 
هذا لا يعني انو الرحلة لا تخلو من العثرات… لكن العثرات هذي هي الي تحلي الرحلة و تعلمك حاجات جديدة و توريك ثنايا خير و اقصر و اسرع باش توصل للهدف متاعك … 
باهي كيفاش الظروف كانت في صالحي ؟ 
? موش باش نحكي بالتفاصيل ولا باش نحكي على المواقف الي عشتهم الغريبة الي قريبة برشا لقصة علاء الدين والمصباح السحري. اما نحب نحكي على ناس بعثهم ربي في حياتي باش تنجمت بكل يسر نوصل للي وصلتلو ليوم …
نبدا بالناس الي خدمو معايا و اي شخص مر و لو لفترة قصيرة على الشركة اما كشريك او كواحد من الفريق… الناس هاذم فيهم الي مزال معايا و فيهم الي شاءت الظروف و معادش معايا اما مازالو بقلوبهم و ارواحهم الطيبة معايا…. 
نحبكم برشا و ربي يوفقكم فين ما كنتم و شكرا على وجودكم في في حياتي … يكفي انكم اعطيتوني درس في الثقة و محبتكم ليا و دعمكم كانت سبب باش نقدم و باش نوصل ليوم للي وصلتلو… 
تو خليني نحكي على اعز صديق ليا الي الحمد لله من يوم جيتو لحياتي و هو منورها ? يوسف ولدي ?فخرو بيا فرحتو اني امو كانو حاجتين ديما يدزوني باش نقدم .. يوسف في اصعب اللحظات كانت كلمة منو تبدل كل شي “ماما متخافش انا معاك ?” كنت نحس كاينو ربي بعثو ليا باش يوريني قداش رحمتو واسعة و يفكرني الي هو ديما معايا …. ربي يقدرني و نكون الام الي تستحق يسوفتي … غيابي على يوسف كان يقلقني و يقلقو هو … اول مرة نبعد عليه كنت حاسة ببرشا ذنب و ماكنتش مستمتعة… زوجي و العايلة الكل و بالاخص أختو فطومة و الي في غيابي كانت الام ليوسف هوما كانو دعمي و حتى صاحبتي و اختي دعاء… هوما كانو سبب باش معادش نحس بالذنب و باش يوسف يتقبل ساعات غيابي عليه و على هذا مكنتش نتردد باش نسافر … و كنت ومازلت نستمتع ونحقق في نجاح و راء نجاح الحمد لله … 
صحابي و صحباتي الي محبتهم ليا و دعمهم حتى بالكلمة عندي بالدنيا…. 
? الي حبيت نوصلو بالكلام الطويل الي كتبتو اني مانيش Super Woman الي تتخيلوها … اما انا مرا امنت انها تستاهل تعيش كيف ماكانت تحلم و هي بنية صغيرة، مسلمتش للمشوشات و للعقليات الي تخلي طموحاتها تقتصر على البديهيات من حقوقها في هذه الحياة… امنت الي كيما عليها حق على الناس عندها حق على روحها و كيما عليها واجبات للناس ليها واجبات تجاه روحها … على هذا ربي بعث في حياتي الناس الي هزت عليا برشا حمل ببرشا حب و وخلت الدنيا عندي ساهلة … 
محبتك للناس تبدا من محبتك لروحك….
? ابدا برك !!! نحي المعوقات الكل من راسك … كون كي الطفل الصغير الي مايسلم كان مايوصل للي حب عليه …. 
خلي ايمانك بربي كبير … و اعمل الي عليك و خلي الباقي على الي خلقك ? باش تلقى البيبان الكل تحلت في وجهك واحد و راء واحد ?




اقرأ أيضا :

??انتم الكتّاب لسيناريو حياتكم الخاصة وكل شخص آخر في العالم يقوم بلعب الدور الذي عيّنته له??

??ان تحريك جناح الفراشة في الصين سيتسبب بحدوث إعصار مدمر في أمريكا??

??ملخص كتاب “سحر التفكير على مستوى اكبر” ل”ديفيد جيه شوارتز”1??

??يمكنك شفاء حياتك “لويز هاي”الجزء 9: كيفية التخلص من التوتر??

??متى ستٌزهر ؟ متى ستتحول من جذور إلى زهرة جميلة ؟ ??

??مقتطفات من كتاب ” القوة “ل روندا بيرن??

??فلتتشبث بقوة ببقايا حياتك ولتنقذها??

??23 سر لتجعل المستحيل ممكنا??

??أنت تعيش في كونك الخاص 1??

??ألا تظن أنه آن الآوان??

??الحياة تجذب الحياة??

??لقاء مع لويز هاي??

??امسك في حلمك??

??ماذا تنتظر؟??

——————————————————

بقلم : نهال ناصفي

رابط نهال ناصفي على الفيسبوك

اترك رد

لن يتم نشر عنوان بريدك الإلكتروني.