🌎✨⛵ الطيبون للطيبات 🌎✨⛵

🌻🏆🔑🌲تعرف مشكلة حياتك ايه ؟

ركز معايا جدا علشان الكلام الي جاي ده في رسالة ليك انت لو انت شوفت المقال ده

طبعا انت بتدخل في علاقات مختلفه سواء العلاقات دى كانت مع الاهل او الاصدقاء او الارتباط

في منها الي بينجح وفي منها الي بتنتهى مأساه اشبه بالمأسى الاغريقيه في علم الاساطير

طب ليه ده بيحصل ؟

طبعا هتقولي فكرت كتير في الموضوع و ده وبكل بساطه مشكلتى انى بعرف اشخاص مش بتصون الحب والعشره ومش بتقدر الي عملته وانى دايما بقع في اشخاص مش سويه ومشكلتى انى كنت طيب معاهم في زمن مينفعش فيه الطيبه

خلينى اقولك حاجه .. كلامك جميل قوى وانا مصدقك ومقتنع بيه كمان يا سيدى !!!!

بس مش غريبه ان كل الي بتقع فيهم وحشين ؟ !

طبعا هتقولي يا اسلام ما هى دى الحياه و ان احنا في زمن الناس الكويسه بقيت عمله نادره

هقولك بكل بساطه ركز معايا في الجاى لانه في الخلاصه .. اقولك علي حاجه انت قولت حل مشكلتك وانت مش واخد بالك منها … ومن وضوح الحل قدامك انت مشفتهوش !!!

طبعا سامعك وانت بتقول من جواك يا عم اسلام ارحمنى وبطل فلسفه هو انت كل حاجه عندك بتاخدها فلسفه وهتقعد تتفلسف عليا

لا يا سيدى مش فلسفه ولا حاجه … اسمعنى للنهايه بقلبك ولو معجبش الكلام متعملش بيه كده كده هتخسر ايه لو سمعتنى .. بس لو طلع كلامى صح هتكون انت المستفيد الوحيد مش كده ولا ايه ( بصوت فؤاد المهندس )

بص بقي يا سيدى

في قاعده الهيه وكونيه وايه قرآنيه بتقول

( الطيبون للطيبات )

يعنى قصدك انى مش طيب وانا بكدب !!! ومصمم تطلعنى انا الي وحش

لا يا سيدى انت طيب وجميل ودى حاجه مقدرش انكرها بس ممكن تسمعنى من غير ما مخك يقطعنى في الكلام ويحكم علي كلامى … بلييز يا سيدى

اتفضل يا عم اسلام لما نشوف اخرتها معاك ايه

اخترها كل خير وحب باذن الله الوهاب العزيز

نرجع تانى لنقطه الطيبون للطيبات

بس يا سيدى … انا عارف انك طيب وحنين مع الناس كلها

بس الي انت بتعمله ده عكس القاعده الالهيه تماما

نعم !!!! انت شكلك اتجننت يا اسلام صح … في حاجه اسمها لما اكون طيب وحنين مع الناس دى عكس القاعده الالهيه

اه يا حبيبي … مش انت لسه قايلي ان مشكلتك انك طيب في زمن مينفعش فيه الطيبه

الله ما طولك يا روح اخلص يا اسلام عاوز توصل لايه ما انت مش عاجبك انى اكون طيب ولا عاجبك انى اكون مش طيب

انا ما قولتش كده يا حبيبي … بص يا سيدى وركز .. القاعده بتقول الطيبون للطيبات … يعنى الطيبون لانفسهم للطيبات لانفسهن … مش الطيبون مع الناس

هى دى اصل المشكله والحل في نفس الوقت الي انت قولتها في وسط كلامك من غير ما تاخد بالك يا حبيبي

انت طيب مع الناس بس مش طيب مع نفسك …

انت بتساعد الناس بس مش بتساعد نفسك

انت بتيجى علي نفسك علشان الناس فالحياه بتيجى عليك علشان خاطر الناس

باختصار انت بوصلتك الناس … مش رب الناس مش اله الناس مش الله

لو انت بوصلتك انت هتكون بوصلتك رب الناس .. اله الناس .. الله

شوفت بقي انت ماشي عكس القاعده الالهيه ازاى !!! بقلم اسلام ممدوح

اقرأ أيضا : 💖💖 كيف نحب الذات و نتواصل مع الطفل الداخلي؟ 💖💖

اقرأ أيضا : 🌎✨⛵ ميتشيو كوتشي: تعاليم الكارما او السببية و تحرير المسار الروحي 🌎✨⛵

اقرأ أيضا : 💖💖 هل أنت مستعبد؟ 💖💖

اقرأ أيضا : 🌏⛵ ماهو الهوبونوبونو؟ ؟ وماهو تطبيقه؟ ؟ 🌏⛵

اقرأ أيضا : 💖💖 النمو دائمًا لعبة خطيرة 💖💖

اقرأ أيضا : 💖💖 هل تستطيع الظهور كما أنت؟؟ 💖💖

اقرأ أيضا : 💖💖 عملية شفاء النفس 💖💖

DivaKhoolood369 DivaKhoolood888 🌳⛵🔥🌊💳💰💶💴💵💸🌹✨👑☯🌈👀👂🐝🚀☘💃💎💗💗🌏❄🌲🐎🐂🦅🐉🌞🌝🌻🌸🌺🍇🍓🥂🎼🛬🛸🛳🔑🔮⚖☯♈♉✅👑👑