🌲🔑🏆🌻 الحرية والعمل
تعالوا نسأل سؤال غريب شوية …
هو انا لما باطلب من ربنا حاجة .. بيعمل ايه علشان يحققهالي
سؤال غريب صح لا .. الاجابة هي اللي اغرب …
الاجابة انه بس بيحضر معاك .. بيكون متواجد معاك
بمجرد وجوده .. بمجرد حضوره .. الكون كله بييجي تحت رجلك
القيمة الحقيقية اللي بيقدمهالك ربنا هو حضوره ذات نفسه
قُلْ مَا يَعْبَأُ بِكُمْ رَبِّي لَوْلَا دُعَاؤُكُمْ فَقَدْ كَذَّبْتُمْ فَسَوْفَ يَكُونُ لِزَامًا
علشان كده دايما تلاقي الرسل والانبياء والفلاسفة والكتب المقدسة .. بيوصوا كلهم بطرق مختلفة انك تخلي ربنا دايما حاضر معاك
اذكره .. اعمل اعمال طيبة ليه .. المهم يكون حاضر معاك
وعلشان كده برده هتلاقي دايما نهي عن انك تطلب الحاجة وتركز عليها وتنسي ربنا نفسه
وَإِذَا أَنْعَمْنَا عَلَى الْإِنْسَانِ أَعْرَضَ وَنَأَى بِجَانِبِهِ وَإِذَا مَسَّهُ الشَّرُّ فَذُو دُعَاءٍ عَرِيضٍ
مش علشان ربنا نرجسي .. بس اللي بيخلي النعمة في حياتك في الحقيقة هو حضور ربنا معاك
لانه هو الحي .. هو الاكثر حياة بيننا .. لذلك فبمجرد حضوره الكون كله بيطوف حواليه .. لانه اصلا هو اللي بيدي للكون قيمة
يبقي اتفقنا كده ان حضور ربنا معاك هو القيمة الحقيقية اللي بتخلي طلبك يجاب
طيب انت بقا في حياتك .. ايه القيمة اللي بتقدمها مقابل حصولك علي المال مثلا او علي اي شئ
انك بتشتغل .. بتسعي .. بتتحرك
بتبذل مجهود علشان تعمل حاجة وفي المقابل الناس تديلك فلوس او تديلك اي حاجة انت عاوزها
طيب السؤال هنا .. ليه لازم تشتغل علشان تجيلك فلوس
ليه تبقي مجبور علي شغل او علي بذل مجهود علشان تجيلك فلوس
علشان احنا اتربينا كده .. الجهد هو الحاجة الوحيدة اللي نعرف نعملها علشان يجيلنا فلوس
نتيجة ده احنا عايشين في سجون
مجبورين علي عمل وفعل اشياء علشان يجيلنا فلوس .. لانه في اعتقادنا اننا لو معملناش كده هنشحت
طيب ليه كده
ايوة يا نادر يعني نعمل ايه
الاجابة بسيطة .. وجودك وحضورك هي القيمة الاساسية اللي انت بتديها للكون ده
علشان انت تيجي الكون ده دفع عمره كله
دفع طاقة ومجهود وزمن ومر باحداث كتير جدا علشان بس انت تكون موجود
ادراكك لده هيخليك تدرك ان وجودك مهم جدا .. حضورك مهم جدا بالنسبة للكون
انت مش محتاج غير انك تكون حااااضر وموجود وبس علشان الكون كله يجيلك تحت رجلك
مش محتاج غير ان وجودك وحضورك يكون مُقدّر جواك حق قدره وتكون عزيز وغني في قلبك
تكون مدرك لقيمة حضورك …
ساعتها مش هتحتاج تعمل حاجة علشان يجيلك مال او رزق او اي حاجة مادية انت عاوزها
مجرد حضورك كافي لان المال والرزق والكون كله ييجي تحت رجليك
طيب يعني ايه حضوري
حضورك هو حضور ربنا .. لان انت وهو واحد
حضورك معناه انك تكون حاضر مع الله .. اللي هو حقيقتك الاصلية …
بشكل تاني انت مش حاضر باعتبارك صورة او شكل او شئ مادي او حتي طاقي
انت حاضر باعتبارك الله
لما تتدرب علي ده وتتقنه .. ساعتها كل الكون هيطوف حواليك وهيبقي رهن اشارتك
مكان ما تكون موجود البركة والوفرة والرزق يحلوا في المكان
ساعتها هتكون حر حقيقي .. هتكون مش محتاج ان تشتغل علشان يجيلك مال
انت هتكون بتعمل وتشتغل علشان حابب ده .. علشان روحك عاوزة تعبر عن ذاتها كده
فيكون عملك فضل علي الناس والكون كله
فضل مش مجرد عمل بتاخد اجرك عليه
مش هتكون محتاجله
الحرية الحقيقية بتبدأ من حضورك .. استقلالك بيبدأ من حضورك
مش من شغلك وجهدك خااالص .. انت جاي هنا تلعب وتستمتع اساسا
كن حرا من وجوب العمل والاحتياج للمال
كن حاضرا يكن لك الكون كله
وعلشان متقولش ده كلام .. الكلام ده انا عايشه وبيجيلي فلوس من غير ما اعمل اي حاجة
ولسا كل يوم باعيشه اكتر وكل ما بيزيد حضوري .. كل ما بيزيد التدفق والطواف والتسخير والتمكين
الشغل والجلسات باعملها بحب واول ما احس ان روحي حابة تعبر عن ذاتها في الصورة البديعة ديه . بقلم نادر هشام
اقرأ في نفس السياق : 💖💖 الوفرة حالة ذهنية 💖💖
اقرأ في نفس السياق :💖💖غير حياتك الآن💖💖
اقرأ أيضا : 💖💖 دع الله يتصرف 💖💖
اقرأ أيضا : 💖💖 وين المشكلة اذا كنت ضايع، كيف نتعامل مع الضياع؟ 💖💖
اقرأ أيضا : 💖💖 جنتك الداخلية 💖💖
اقرأ أيضا : 💖💖 راحة الروح خارج الزمن 💖💖
اقرأ أيضا : 💖💖كن أنت النور لنفسك! كن أنت معلم نفسك!💖💖
DivaKhoolood369 DivaKhoolood888 🌳⛵🔥🌊💳💰💶💴💵💸🌹✨👑☯🌈👀👂🐝🚀☘💃💎💗💗🌏❄🌲🐎🐂🦅🐉🌞🌝🌻🌸🌺🍇🍓🥂🎼🛬🛸🛳🔑🔮⚖☯♈♉✅👑👑