🌲📣⚜🦄💸🏹🔱🪙🌻 تخطى حدود التفكير …
التفكير بيعمل حاجة خطيرة جدا جدا .. هو بيخليك تربط كل حاجة في دماغك بناء علي فكرة/غاية/رغبة/معتقد/زاوية واحدة .. وده بيفسد تقديرك للأمور كليا …
مثال .. انت متفق مع واحد تتقابلوا في مكان معين .. وصلت المكان بتتصل بيه تليفونه مقفول .. هنا انت علطول بتفكر أنه ازاي ميلتزمش وأنه كده مش هتعرف تقابله .. والأخطر أن تفكيرك هيخلي تليفونه المقفول ده يقفل عنك اي مسار أو وسيلة تانية للتواصل !!
والأشد خطورة انك عمرك ما هتفهم ليه حصل كده اصلا .. مش السبب اللي خلي تليفون الشخص ده يتقفل .. لكن الغاية اصلا من الحدث ككل
وهنا تقديرك للموقف بيقتلك .. يعني بيوقف حركتك تماما وبيخلي أي حركة ليك غير فعالة وغير حكيمة
عمرك مثلا ما هييجي في دماغك تتصل بيه علي الماسنجر .. لانه وفقا لتفكيرك إن كان تليفونه مقفول مش ممكن هيرد علي الماسنجر .. في حين أن ممكن شبكة التليفون يكون فيها حاجة لكن الماسنجر شغال لانه لاقط نت من الواي فاي بعيد عن شبكة التليفون خالص
وبالتالي مش هتتقابلوا .. وبالتالي مش هتفهم خالص الغاية من الموقف ده
وهنا التفكير وجهك في اتجاه واحد وبس .. فتقديرك للأمور مبني علي الاتجاه ده بس .. فعمرك ما هيكون تقديرك سليم …
الانيل بقا لما تقعد تقول ده قدر وده ابتلاء وده معرفش ايه وربنا عاوز كده
لا ربنا مش عاوز كده .. انت اللي قتلت نفسك بتفكيرك
وهنا تحضرني مقولة كده مشهورة اوي اخدت بالي من معناها وانا باكتب المقال ده .. ألا وهي :
(((( العبد في التفكير والرب في التدبير ))))
الجملة ديه بتتقال بمعني انه العبد عليه يفكر وربنا عليه يدبر .. لكن لو ركزت فيها هتدرك بعد مختلف خالص …
هتدرك أن العبد دائما منحصر في تفكيره .. واما الرب (( رب الحياة ورب أمره )) بينتبه دوما لتدبير الأمر (( الـ Flow ))
لو انحصرت في تفكيرك دوما هتعيش العبودية .. واما ان اردت ان تكون ربا للحياة .. ربا لأمرك .. هنا لازم تبدأ تنقل وعيك للتدبير .. تبدأ تراقب ازاي الأمر بيتجلي من السماء الي الأرض .. وليه بيتجلي معاك بطريقة ومع غيرك بطريقة تانية …
يعني مثلا انت وصاحبك ممكن تكونوا عاوزين تتجوزوا .. وعاوزين شقق .. صاحبك تجيله الشقة هدية أو ورث .. انت تجيلك عن طريق البيزنس .. واحد تالت تجيله من المال اللي هو محوشه
ليه بقا
لان الغاية اصلا مش الشقة .. الغاية هي أن وعي صاحبك يتمدد ويدرك سبل اخري غير المال أو العمل لتجلي الاشياء .. وده يزيد ثباته في ذاته .. أما انت فالغاية انك تحقق الاستقلالية فتنشط عندك القوامة فتستغل امكانياتك بشكل أقوي فتنتقل لمستوي اخر من المعيشة ويتحقق التناغم بينك وبين حبيبتك فتعرف ذاتك اكتر .. والثالث مطلوب أنه يحرك الراكد ويخرج من عقلية الاكتناز الي عقلية الحركة والملك
لو صاحبك جاتله الشقة عن طريق البيزنس هيتمسك اكتر بالعمل وده هيقيده .. ولو انت جاتلك الشقة هدية عمرك ما هتدرك امكانياتك .. ولو التالت جاتله فلوس غير اللي محوشها يمكن مكانش اشتري الشقة اصلا وكان فكر يحوشهم هما كمان !!!
ده مثال بسيط خالص علي التدبير أو الفلو وازاي الأمر بيتجلي بحسابات دقيقة ولغايات محددة لن تدركها بالتفكير اطلاقا
لكن تدركها لما تتخطي حدود التفكير .. لما تبدأ تسكن وتراقب وتتعلم من كل حدث وموقف …
هنا بس تكون أسلمت لرب العالمين .. ليه رب العالمين
لان تدبيره مش لفرد بعينه فقط .. ولكن بالنسبة له ما يحدث في حياة هذا الفرد يؤثر في العالم ككل .. تدبيره عالمي
وساعتها هتبدا تنتقل من العبودية الي الربوبية
وديه الغاية الكبري من الإسلام .. ليس الانقياد للاعتقاد بقصور ونقص فيك .. ولكن حتي تتعلم الربوبية العالمية .. فتتكون لديك رؤية عالمية للأحداث .. هذه الرؤية تساعد في بلوغك حلمك. بقلم نادر هشام
اقرأ أيضا ل ” نادر هشام ” : 🌎✨⛵ الحرية والعمل 🌎✨⛵
اقرأ أيضا ل ” نادر هشام ” : 🌎✨⛵ الحرية و الشفاء 🌎✨⛵
اقرأ ايضا : 🌎✨⛵ ثم تأتي تلك اللحظة السحرية 🌎✨⛵
اقرأ ايضا : 💖💖 عندما تتوقف عن ملاحقة العالم، يبدأ العالم بملاحقتك 💖💖
اقرأ ايضا : 💖💖 أبعد عقلك عن نفسك 💖💖
اقرأ ايضا : 💖💖 هل انت مستعد ليحملك تيار الحياة ؟ 💖💖
اقرأ ايضا : 💖💖 الخروج من السجن 💖💖
DivaKhoolood369 DivaKhoolood888 🌳⛵🔥🌊💳💰💶💴💵💸🌹✨👑☯🌈👀👂🐝🚀☘💃💎💗💗🌏❄🌲🐎🐂🦅🐉🌞🌝🌻🌸🌺🍇🍓🥂🎼🛬🛸🛳🔑🔮⚖☯♈♉✅👑333.777.555.369👑🔱⚜💲📣♾8⃣8⃣🆒🆕🆓🆙