🍀📣⚜🦄💸🏹🔱 🔑🪙🌻 يا ترى عقلك شايف إيه؟
هل جربت مره وكأنك خرجت خارج جسدك وعقلك أصبح شفاف بتقدر تشوف إيه الأفكار اللي بتدور فيه؟
يا ترى بسألك السؤال ده ليه؟
لأن من واقع شرحي لقانون التركيز
اللي بيقول كل ما تركز عليه يزداد
كل ما يراه عقلك بوضوح سلبي او إيجابي يتجلي في واقعك
إكتشفت ان ناس كتير رغم استيعابها للقانون ده الا انها مش قادره تشوف بوضوح عقلها شايف ايه
ولو شافت من بره عقلها شايف ايه
بتكون مش عارفه ازاي تركز على الايجابي وتزوده وتتغافل عن السلبي ليختفي
ولو ده حصل بتعاني من تعارض الصور القديمه المخزنة في العقل اللاواعي من أثر البرمجة واللي أصبحت معتقدات راسخه وبتتجلي بشكل تلقائي كواقع
طيب الحل ايه عشان تتحكم بوضوح في الصور اللي شايفها عقلك؟
الحل إنك تخرج بره عقلك وتشاهد من الخارج ايه اللي بيدور داخله الان وتغيره لصالحك
بشوف ناس كتير بتردد توكيدات إيجابية وبتَدَّعي انها شايفه صور ايجابيه ورغم كده مفيش تغيير بيحصل لها
ده لأن هو بيقول شيء
وشايف شيء تاني في عقله
مثلا تلاقي شخص بيقول أنا أريد أن أعيش في وفره
بينما اللي شايفه بوضوح الفقر اللي بيعيشه وعايز يهرب منه
أو شخص بيقول انا متقبل فلان اللي بيكذب
بينما هو في العمق مازال بيكرهه او بيرفضه
أو شخص بيقول انا في صحه تامه
بينما في العمق مازال شايف المرض
مش مهم بتقول ايه
مش مهم معتقد انك شايف الايجابي
ولكن المهم لما تخرج خارج عقلك تشوف إيه الموجود فعلا في العمق
وده بيحتاج صدق كبير مع الذات
الصوره اللي في العمق
اللي انت شايفها بوضوح ومركز عليها الآن
هي الواقع اللي هيظهر بعد كده
تمرين
حدد هدف مستقبلي
أو ارسم صوره لوضع تريد أن تكون عليه
وانظر داخل عقلك وشوف في العمق شايف إيه
مثلا أنا نويت أشتري سياره
هل انا شايف داخلي السياره وانها ستتوفر قريبا
ولا شايف نقص فلوسها والصعوبه تجاهها
تذكر
مش مهم انت بتقول ايه او عايز ايه
المهم انت شايف ايه داخلك
هل تنصت؟
*****
🍀 إذا أخبرتك الآن أنك لا تربح من أي مشروع تدخله لأنك تحتاج أن تغير عقليتك
من عقليه الفقر للثراء
أخبرني
ما الذي دار في عقلك خلال أول 3 ثواني بعد النصيحه
دعني أخبرك
لقد نزل عليك سيل ضخم من الأفكار والتبريرات والأسئله والصور الذهنيه
ولم يعطيك عقلك فرصه واحده في التفكير بعمق وتدبر في الجمله التي ذكرتها لك
نفس الأمر يتكرر معك يوميا
ترسل لك الروح رسائل يوميه ولحظيه بما تحتاج ان تعرفه من خلال الأشخاص والأحداث وظهور الأشياء
ولكنك تفعل دائما كما فعلت عندما أخبرتك ب نصيحتي عن الفقر والوفره
يخرج عقلك من اللحظه الحاليه وما فيها من إشارات ورسائل
إما بعدم الانصات والتشتت والخوض في حديث مختلف
أو بالتفكير او التبرير
أو الظهور بأنك تفهم جيدا
بينما لو سكتت ولو لمره واحده
وأعطيت روحك فرصه لتقول رسالتها كامله عندما تنصت
لحصلت علي خيرا كثيرا
ما يمنعنا من الانصات
هو كميه الأفكار والتفاعلات التلقائيه التي لا تعطينا مساحه ولو بسيطه من الوقت للإنصات بتمعن
إن الحكمه كل الحكمه تظهر عندما تدرك اللحظه الحاليه وتعطيها حقها بتدارك الفكره قبل قولها او التفكير فيها او الانتباه للفعل المقدم عليه او الاستيقاظ للصوره التي انت بصدد تخيلها
الإنصات يعني أن تسمع ما يدور في عقلك وترتبه
وتسمع وتلاحظ ما يحدث بالخارج خصوصا لو كان جديد وغير متوقع او لم تلحظه من قبل
بينما انت ضيعته لسنوات
لأنك لم تجرب مره أن تصمت للحظات وتسمع ما تمليه عليك الروح او حتى ترى ما يخرج من عقلك من افكار او تصورات
أو حتى بالانصات والانتباه لما يحدث خارجيا الان في هذه اللحظه
التمرين على الانصات
قرر لفتره
أولا أن تكون مستمع منصت أكثر من متكلم
ثانيا قرر قبل نطق أي كلمه او فعل أي فعل او تصور صوره في ذهنك
أن تعطي لنفسك فقط 3 ثواني من الصمت عالاقل داخل عقلك
وتفكر جيدا فيما قررت أن تقوله او تفعله او حتى التدبر فيما تسمعه قبل الرد
وسترى الفرق بعد تعود هذاا الانصات
ملحوظه
سيفعل عقلك كل ما بوسعه حتى لا تنفذ هذه الاستراتيجيه سواء بسيل الأفكار او المشتتات او رغبه الايجو بسرعه الرد.
*****
🍀 وفره ولا فقر
طول عمري فاهم ان الفقر فقر فلوس بس
لأني تقريبا معرفتش غيره
لحد ما فهمت إن الفقر ده مفهوم شامل
وإن أنواعه كلها سببها واحد
وعلاجه برضو علاج واحد
تعالو كده ناخد نظره الأول على انواع الفقر المعروفه
فقر الفلوس، فقر المشاعر، فقر المعلومات، فقر الصحه، فقر الحريه، فقر السعاده، فقر السلام، فقر القوه
ده اللي حضرني وفيه انواع تانيه كتير
المهم ان كلها معناها ان الشيء ده ناقصني ومحتاجه
طيب كلنا جربنا اننا نكون محتاجين
و وبنشتكي ومركزين عاللي ناقص من عندنا
هل حصلت على نتيجه من شعورك ب الإحتياج والنقص والدعاء ليل نهار ان يجيلك المفقود؟
أكيد لأ
عارفين ليه؟
لأن ببساطه ربنا مصمم الكون اللي بيلبي طلباتنا
إن يظهر في حياتك ويزيد بس اللي انت مركز عليه وشايفه بوضوح
وبما انك مركز عاللي ناقص عندك
فبالتالي بيزيد اللي ناقص عندك
— بس ازاي يا مستر عمرو
انا علطول مركز عالفلوس والصحه والحريه والسعاده
ورغم كده بيحصل العكس
* يا حبايبي الكون حولكم حساس جدا للي انت مركز عليه داخلك ومحايد تماما ميعرفش ده حلو ولا وحش
يعني لما بتقول انا عايز فلوس
انظر داخلك هتلاقي انك شايف نقصها وفقدها وحرمان منها
بالتالي بيزيد النقص والفقد والحرمان
— طيب إيه الحل؟
* الحل ببساطه انك بس بتغير تركيزك
وبإستراتيجيات بسيطه تقدر تغيره
أولا بالإمتنان
أنت دايما بتشتكي من اللي ناقص عندك ومركز عالمفقود
جربت تمتن وتبارك الموجود
عن تجربه مش بس تجربه شخصيه ولكن على مئات الناس من اللي اخدو معايا كورسات
لما بتمتن وتبارك اللي عندك وتضع تركيزك عليه
حرفيا بيزيد
مثلا بدل ما بتشتكي من ظهرك
اشكر وامتن وشوف نعمه انك بتمشي على رجلك
بدل ما بتشتكي من ولادك اللي مش بيسألو عليك
إمتن وبارك اتصالهم بيك كل فتره
افتكر ضحكك معاهم واللحظات الحلوه
ثانيا فقد التركيز بالناقص
عن طريق المراقبه والحضور
وده علاج سحري
كل فكرته ان الأفكار بتمر عليك بسيوله كبيره
وانت مش بتلاحظها
كل اللي هتعمله انك هتلحظ الأفكار اللي بتقولك ده ناقص عندك
ولما تلحظها هتتبعها فورا بفكره تخص الموجود عندك
مثلا حضرت فكره بتقول لك
انا اليوم وأمس صرفت كتير
فورا قبل ما تشتغل وتأخذ حيز من دماغك
اتبعها بفكره ايجابيه
قول لنفسك ما انا ياما صرفت وبييجي غيرهم
ثالثا الاستغناء
كلمه استغناء اصلا جايه من الغنى
ودي حرفيا استراتيجيه سحريه
لما بتشعر بإن اللي بتطلبه جاي جاي
ومش فارق معاك الناقص عندك
والموضوع بس مسأله وقت
بيجيلك الللي بتطلبه
الكون حرفيا مسخر لنا وكأنه موظف عندنا
وانت زي مدير عام الكون
عمرك شفت مدير بيطلب من موظف وهو مكسور ومحتاج
وبيقول له ياريت توفي طلبي
ارجوك انا محتاج
عشان خاطري تجيب لي اللي ناقص
ولا بتضع رجل على رجل وتقول له نفذ بعد اذنك
بنفس القوه والاستغناء المفروض تطلب طلبك
أنا حاولت ابسط الفكره وانت دورك تتعمق فيها
وخلاصتها انك بتراقب بس تركيزك رايح فين
تركيزك عاللي ناقص عندك ومفقود ومحتاجه
ولا عالزايد وموجود ومتوفر
التمرين المطلوب منك بسيط
هتختار شيء واحد من اللي ناقص عندك وعايز تزوده
سواء فلوس، مشاعر، اهتمام، صحه، قوه، حريه، سعاده
وهتعمل لعقلك معسكر مغلق مثلا مدته 15 يوم
وهتقرر تكون صاحي ومراقب جدا للشيء ده
وتترك أي ملف تاني شغال عليه حاليا
وتركز بس على الشيء ده
وما بتترك ولا فكره ولا شعور ولا حتى تصور ذهني يعدي كده وخلاص
بتمتن وتشوف الزياده فيه
وتتبع الفكره او المشاعر السلبيه او السيئه ببديل إيجابي وبالحسنه فتمحها
مثلا
جت لك فكره ان عندك مصاريف واقساط لازم تندفع
فورا قول مش مهم
ما كل ما يبقى عندي التزام بيجيلي فلوس أو بتتحل بشكل سهل او لما بسلم الأمر لربنا بيظهر حل ولا في خيالي
كفايه أن جالي امس كذا
والشهر اللي فات كذا
المهم انك تشوف الزايد مش الناقص وتباركه وتمتن له
لمجرد انك تطبق التمرين على شيء واحد ناقص عندك وتنجح في المراقبه لفتره بدون مشتتات
هتلاقي الأمر سهل في اللي بعد كده
الموضوع بس محتاج تمرين كبير واهتمام فوق العادي
اهم من روتين يومك العادي
طبعا الموضوع فيه تفاصيل كتير جدا
بس رغم طول البوست
فأنا اختصرته. بقلم عمرو ابو مازن
اقرأ أيضا : 🌍♾⛵ كيف نغلق الفجوة بين نوايانا و معتقداتنا 🌍♾⛵
اقرأ أيضا : 💖💖 ماهو الواقع ؟ 💖💖
اقرأ أيضا : 💖💖 هل مازلت لا تعمل شيء جيد يفيد حياتك! 💖💖
اقرأ أيضا : 🌍♾⛵ الرحمن و علاقته بقانون الجذب 🌍♾⛵
اقرأ أيضا : 🌎⚡⛵ خماســـــــــــية التغيير 🌎⚡⛵
اقرأ أيضا : 🌎⚡⛵ يوم بمقدار عام 🌎⚡⛵
اقرأ أيضا : 💖💖 خطوات بسيطة نحو النجاح 💖💖
DivaKhoolood3198 DivaKhoolood369 DivaKhoolood888 🌳⛵🔥🌊💳💰💶💴💵💸🌹✨👑☯🌈👀👂🐝🚀☘💃💎💗💗🌏❄🌲🐎🐂🦅🐉🌞🌝🌻🌸🌺🍇🍓🥂🎼🛬🛸🛳🔑🔮⚖☯♈♉✅👑333.777.555.369👑🔱⚜💲📣♾8⃣8⃣🆒🆕🆓🆙