🌍♾⛵ ليه مش بنفهم القرآن ؟!! 🌍♾⛵

0 1٬940

🌲📣⚜🦄💸🏹🔱🪙🌻 ليه مش بنفهم القرآن ؟!!

سؤال سألته كتير اوي لنفسي .. وزاد سؤالي عنه لما ربنا أنعم عليا وجعل لي من القرآن بابا للاستنارة .. وبقيت أسأل :

ليه زمان مكنتش بافهم القران ودلوقتي بافهمه ؟!!

دورت في القرآن لقيت آية في منتهي البساطة والوضوح بتقول مين اللي مش بيفهم القرآن

{ وَإِذَا قَرَأۡتَ ٱلۡقُرۡءَانَ جَعَلۡنَا بَیۡنَكَ وَبَیۡنَ

ٱلَّذِینَ لَا یُؤۡمِنُونَ بِٱلۡـَٔاخِرَةِ

حِجَابࣰا مَّسۡتُورࣰا (٤٥)

وَجَعَلۡنَا عَلَىٰ

قُلُوبِهِمۡ أَكِنَّةً أَن یَفۡقَهُوهُ

وَفِیۤ ءَاذَانِهِمۡ وَقۡرࣰاۚ

وَإِذَا ذَكَرۡتَ رَبَّكَ فِی ٱلۡقُرۡءَانِ وَحۡدَهُۥ

وَلَّوۡا۟ عَلَىٰۤ أَدۡبَـٰرِهِمۡ نُفُورࣰا (٤٦) }

[ سُورَةُ الإِسۡرَاءِ : ٤٥-٤٦ ]

يبقي اللي مش بيفهم القرآن هما اللي لا يؤمنوا بالآخرة .. طيب سؤالي ليك بقا .. ايه هي الآخرة

الآخرة جت كمقابل لحاجتين في القران :

العاجلة ، الحياة الدنيا

العاجلة .. ديه يعني واحد مستعجل .. فواضح أن الآخرة هي حال هدوء ورسوخ وتعقل

الحياة الدنيا هي

{ ٱعۡلَمُوۤا۟ أَنَّمَا ٱلۡحَیَوٰةُ ٱلدُّنۡیَا لَعِبࣱ وَلَهۡوࣱ وَزِینَةࣱ وَتَفَاخُرُۢ بَیۡنَكُمۡ وَتَكَاثُرࣱ فِی ٱلۡأَمۡوَ ٰ⁠لِ وَٱلۡأَوۡلَـٰدِۖ كَمَثَلِ غَیۡثٍ أَعۡجَبَ ٱلۡكُفَّارَ نَبَاتُهُۥ ثُمَّ یَهِیجُ فَتَرَىٰهُ مُصۡفَرࣰّا ثُمَّ یَكُونُ حُطَـٰمࣰاۖ }

واضح انها المستوي العادي من الحياة .. اللي أغلبنا عايشينه .. لعب ولهو وزينة وتفاخر وأموال واولاد .. ده المستوي الادني من الحياة (( وفقا للقرآن ))

وبالتالي واضح أن الآخرة هي حال خارج هذا المستوي أو أعلي منه .. مستوي أكثر تقدما من الحياة

طيب تعالوا بقا نشوف فكر الناس اللي لا تؤمن بالآخرة علشان نفهم ايه هي بالظبط

{ قُل لَّا یَعۡلَمُ مَن فِی ٱلسَّمَـٰوَ ٰ⁠تِ وَٱلۡأَرۡضِ ٱلۡغَیۡبَ إِلَّا ٱللَّهُۚ وَمَا یَشۡعُرُونَ أَیَّانَ یُبۡعَثُونَ (٦٥) بَلِ ٱدَّ ٰ⁠رَكَ عِلۡمُهُمۡ فِی ٱلۡـَٔاخِرَةِۚ بَلۡ هُمۡ فِی شَكࣲّ مِّنۡهَاۖ بَلۡ هُم مِّنۡهَا عَمُونَ (٦٦) وَقَالَ ٱلَّذِینَ كَفَرُوۤا۟ أَءِذَا كُنَّا تُرَ ٰ⁠بࣰا وَءَابَاۤؤُنَاۤ أَىِٕنَّا لَمُخۡرَجُونَ (٦٧) لَقَدۡ وُعِدۡنَا هَـٰذَا نَحۡنُ وَءَابَاۤؤُنَا مِن قَبۡلُ إِنۡ هَـٰذَاۤ إِلَّاۤ أَسَـٰطِیرُ ٱلۡأَوَّلِینَ (٦٨) }

[سُورَةُ النَّمۡلِ: ٦٥-٦٨]

طيب الآيات ديه بتقولنا الآتي :

إنه من في السماوات والأرض لا يعلم الغيب ولا يشعرون (( يدركون )) ايان يبعثون (( يستفيقون من الغفلة أو الموت )) .. يعني في غفلة أو ميتين ومش مدركين اصلا أنهم كده ولا مدركين يعني ايه استنارة أو بعث

وده بسبب أنهم معندهمش علم بالآخرة

وهما في عمي منها

واللي كفروا بيها .. بيستنكروا أنهم يتم إخراجهم من الواقع الترابي (( المادي )) اللي هما فيه .. وبيقولوا أن ده عبارة عن قصص وروايات وأساطير !!!

من الآيات ديه نقدر نفهم أن الآخرة هي الخروج من الواقع المادي اللي احنا فيه ده .. وساعتها بيحصل بعث واستنارة واستفاقة من الغفلة والموت

طيب كده بقا علشان نفهم يعني ايه حد مش مؤمن بالآخرة .. تخيل معايا المثال التالي :

انا جيت قلتلك مثلا أنك لما بتنوي نية معينة .. النية ديه تكونت في عالم ما وراء هذا العالم .. وانت فقط تحتاج إلي السماح لها بالظهور ..

هل هنا انت هتؤمن بأن نيتك أو الواقع اللي انت عايز تعيشه ومش شايفه أصبح متواجد وتكف عن السعي ليه وتركز في انك تسمح له بالظهور وتبقي مطمئن لحد ما يظهر

ديه بالظبط فكرة الإيمان بالآخرة .. انك بتؤمن بعالم خارج هذا العالم المادي .. أكثر رقيا منه .. وهناك يكمن البقاء والخير والغني والبصر الحقيقي

لو انت بقا مش بتؤمن بالآخرة هيكون صعب انك تفهم القرآن .. وعلشان نوضح ده تعالوا ناخد مثال :

{ هُوَ ٱلَّذِی خَلَقَ لَكُم مَّا فِی ٱلۡأَرۡضِ جَمِیعࣰا ثُمَّ ٱسۡتَوَىٰۤ إِلَى ٱلسَّمَاۤءِ فَسَوَّىٰهُنَّ سَبۡعَ سَمَـٰوَ ٰ⁠تࣲۚ وَهُوَ بِكُلِّ شَیۡءٍ عَلِیمࣱ }

جرب تفهم الآية ديه من خلال الواقع المادي .. هتلاقي انك تلقائيا كده هتقول أن في حاجة اسمها سما (( اللي بنشوفها فوق ديه )) .. وفي منها ٧ سماوات

وده طبعا كلام بطيخ .. لانه علميا اللي انت شايفه ده اصلا مش سما زي ما في دماغك .. ولا في حاجة اسمها سبع سماوات فوق السما ديه .. ده غير أنه لو فرضنا وجود حاجة زي كده .. انت مستفدتش اي شئ في حياتك

لكن لو انت مؤمن بالآخرة .. مؤمن بما وراء هذا العالم الذي تدركه بحواسك ..

هنا هتعرف أن الأرض ديه بتمثل واقعك المادي .. والسماء ديه بتمثل عالم ما وراء المادة .. وفي منها سبع طبقات أو مستويات .. فتبدأ تدرك تكوينك اكتر واكتر وتتعلم عن الغيب وتخرج برا قيودك

طيب ايه اللي خلانا بقا مش بنؤمن بالآخرة ؟!!

أننا سلمنا دماغنا لناس سموا اللي بيؤمنوا بالآخرة بمسميات وتصنيفات وكفروهم واقنعونا أن مفيش غير المادة .. وان العلماء في الغرب بينبهروا كل يوم باكتشافات قرآنية وإعجاز علمي في القرآن

ومن هنا احب اقولكم أن الغرب بيشكرلكم مجهوداتكم والله وبيقولكم متتكلموش تاني بس كده. بقلم نادر هشام

اقرأ في نفس السياق : 🌍♾⛵ مامعنى الايمان باليوم الأخر ؟ 🌍♾⛵

اقرأ أيضا ل ” نادر هشام ” : ليه اتحاد الذكر والأنثى مهم في الحياة ؟!!

اقرأ أيضا ل ” نادر هشام ” : 🌍♾⛵ الجواز والطلاق والماتريكس 🌍♾⛵

اقرأ أيضا ل ” نادر هشام ” : 🌍♾⛵ إقام الصلوٰة 🌍♾⛵

اقرأ أيضا ل ” نادر هشام ” : 🌎✨⛵ الحرية و الشفاء 🌎✨⛵

اقرأ أيضا ل ” نادر هشام ” : 🌎✨⛵ الحرية والعمل 🌎✨⛵

DivaKhoolood369 DivaKhoolood888 🌳⛵🔥🌊💳💰💶💴💵💸🌹✨👑☯🌈👀👂🐝🚀☘💃💎💗💗🌏❄🌲🐎🐂🦅🐉🌞🌝🌻🌸🌺🍇🍓🥂🎼🛬🛸🛳🔑🔮⚖☯♈♉✅👑333.777.555.369👑🔱⚜💲📣♾8⃣8⃣🆒🆕🆓🆙

اترك رد

لن يتم نشر عنوان بريدك الإلكتروني.