🌍♾⛵ لو انت في ضيق مادي 🌍♾⛵

0 1٬212

🌲📣⚜🦄💸🏹🔱🪙🌻 لو انت في ضيق مادي .. تعمل اييييه

في البداية خلينا عارفين ان كونك تقول انا في ضيق مادي .. فده معناه انك حاسس ان في احتياجات او تكليفات عليك تسدها وتوفيها .. واللي معاك ميسدش ولا يوفي .. لانه ببساطة لو مفيش الاحتياجات او التكليفات ديه .. انت مش هتحس اصلا بحاجة اسمها ضيق مادي نهاااااائيًا

الاحتياجات والتكليفات ديه قد تكون جدية وملزمة ليك .. زي مثلا انك تصرف على أهلك .. او انك تاكل .. او انك يكون عندك سكن … وهكذا .

يا اما بتكون حاجات انت عاوزها .. مجرد انك عاوزها .. عاوز مثلا تجيب آيفون .. عاوز تجيب عربية احدث موديل .. عاوز تجيب برجر من مطعم فخم .. اي حاااااجة بقا من اللي بتشرح القلب ديه

وهنا بقا تعالى نحط اول قاعدة .. لو تشربتها بتفاصيلها هتبدأ تتحول من الاحساس بالضيق إلى الاحساس بالسعة والوفرة :

{ لَا یُكَلِّفُ ٱللَّهُ نَفۡسًا إِلَّا مَاۤ ءَاتَىٰهَاۚ }

يعني ايييييييه

يعني بالمعنى البسيييط خااالص انت مش مكلف بأي حاجة طالما لم يؤتيكها الله

فطالما انت الآن مش معاك .. يبقى ده معناه ان لو الدنيا بحالها بتقولك هات .. لو رئيس مراجيح مولد النبي بيقولك لازم تعمل كذا .. ده مش حقيقي .. الحقيقة انك مش مكلف باللي مش معاااااك .. انت ملزم نفسك بييييه بسسس

وده اول تحول نفسي وقلبي لو عملته جواك .. فأي ثقل والتزام عليك برا او جوا .. هيبدا يتساقط ويقع بشكل تلقائي ويسيييير

النقطة التانية اللي لازم تاخد بالك منها .. انك هنا مكلف .. يعني معطي .. يعني انت اللي عندك قيمة وبتشاركها او مطالب بمشاركتها .. يعني وهاب .. يعني ملك

ليه بقا بقولك كددددده

لاننا لما بنكون في الحال ده .. بيكون تركيزنا على الأخذ .. انا محتاج اخد علشان اسد احتياجاتي .. وده بيحسسك بالاحباط والذل والضيق

في حين انك في المكان ده تركيزك لو كان على العطاء .. هتحسسسس بمتعة غير طبيعية وانت بتتفنن ازاي تقدم القيمة ديه او قيمة توازيها وتكافئها بحب و بهجة

ده غير ان تركيزك على انك معطي او في مكان عطاء .. ده بيخليك تحسسسس بالملك .. وانك ذو_فضل .. مش مدان لأحد أيا كان .. وان القيمة اللي بتقدمها ديه تستحق التقدير والشكر .. بتزيدك تمكين وتثبيت وقوة

يمكن ديه كفكرة لسا مترسختش جوااااااك انها خيالية .. لكن جرب تفكر بسسسس من المكان ده .. وساعتها هتبدأ كل حاجة حواليك تساعدك وتسندك .. لانك معطي وذو فضل

القاعدة الثانية بقا

{ وَمَن قُدِرَ عَلَیۡهِ رِزۡقُهُۥ فَلۡیُنفِقۡ مِمَّاۤ ءَاتَىٰهُ ٱللَّهُۚ }

ركز بقا معايا .. انت حال الضيق اللي انت فيه اسمه ان رزقك قدر عليك .. ودايما احنا متعودين في الحال ده اننا يا اما بنفكر باننا فقراء ناقصين محتاجين .. يا اما بنفكر باننا ساخطين على الوضع اللي احنا فيه وعاوزين نجري ونغيره بسرررررعة

ومن هنا بييجي ضيق على ضيق وهم على هم !!!

انت ما عليك في الوضع ده غير انك تبدأ تنتبه ايه اللي ربنا آتاك اياه وتعطي منه .. ممكن يكون اداك خفة دم .. ممكن ضحكة حلوة .. ممكن كلام بلسم .. ممكن حضن دافي .. ممكن قلبك كله حب .. ممكن معلومات قوية جدددا .. ممكن حتى تكون بتعرف تطبخ .. بتعرف ترررسم .. بتعرررف تغني .. بتعرف تلااااعب أطفاااال وتبسطهم … لازم هتلاقي عندك حاجة واحدة على الاقل ربنا ادهالك

روح بقا للحاجة ديه وانفق منها .. اسعد وابهج الناس بيها .. أثر في حياة انسان او مخلوق عامة .. استمتع وانت بتعطي وتنفق من فضل ربنا عليك وبتشاركه

ويا سلام بقا لو انفاقك ده تعرف تحوله لحاجة ترجعلك بأجر او بقيمة تانية مكافئة

والأعلى بقا من تبادل القيم ده .. ان اجرك من انفاقك ده يكون على الله .. على ربك .. يعني اييييييه

ربنا لو هيديك أجر .. بيديك الأجر من نوع ومكان مختلف خالص عن تخيل أي بشر .. لانه مش هيديك حاجة مادية .. لااااااااا .. بس هيملاااااك ويملى قلبك باللي يخلي المادة تسجد تحت رجلك .. يعني بيوفي ميزانك .. بيحصنك .. فتتملي من جواااااا اوووووي بقيمة حقيقية أصلية .. وساعتها بيكافئها من براااا علطول القيم المادية بمختلف أشكالها وألوانها

ثالث قاعدة لااااازم تدركها وتعرفها كويسسس اوووي :

{ سَیَجۡعَلُ ٱللَّهُ بَعۡدَ عُسۡرࣲ یُسۡرࣰا }

يعني بالبلدي اعرف ان اي حاجة معصلجة ومقفلة ومتعسرة .. بعدها ربنا بيجعل يسر .. يعني كده كده هتفك وكده كده هتمشي وكده كده هتتحل .. ده كده كده

فاهدى واطمن ومتقلقش اصلا من اللي هيحصل بعدين .. لان اللي هيحصل بعدين هو اليسر

ليه بقا القاعدة ديه مهمة

لان غالبا اللحظة اللي انت فيها مش بتكون المشكلة .. المشكلة بتكون في السيناريو اللي انت حاطه في دماغك لخط سير الاحداث وصولا الى ابو زعبل او الصرايا الصفرا

وده بقا في اللحظة ديه بياخد طاقة كبيرة اوووي منك وبيتسلط ويهيمن عليك في الوقت اللي بتكون فيه في ضيق ده !!! وهو اساسا بالونة .. ولو اتحقق في الغالب ملوش اي تأثير عليك

فعلشان تعرف اجابة سؤال هيحصل ايييه ده .. فالاجابة دوما وابدا هتكون يسرا .. لا مش الممثلة يا عفريت

خلاااص يا عم اني اسف بضحك معاك بسسس

القاعدة الرابعة بقاااااا : اتق الله

وعلشان تعمل ده في خطوتين أساسيين وبساط اوووي :

كن قويا على الصمت والسكون

دايما لما بنخااااف .. بيحصل جوانا فراااغ .. بنروح عادة نملاه بكلام او عياط او شكوى او اي مجهود ولو حتى ملوش لازمة او ندور على اي حد يطمنا .. بنحاول دايما نملااااه

حاول بقا في الوقت ده تسيبه .. سيب نفسك فارغ كده .. اقوى على ده .. اقوى على انك مش فاهم ومش عارف ومش هتفهم ولا تعرف دلوقتي .. واقوى على انك مش لاقيلها حل .. ومش هتتحل دلوقتي

سيب المكان ده فاااارغ واقوى عليييه .. اعتبر نفسك بتدرب في جيم .. وبتقوي عضلاتك .. اصبرررر خااالص عليه متحاولش تملاه بأي حاااااجة

الخطوة التانية :

كن صادق

يعني ببساطة خليك زي ما انت من جواك قدر الامكان .. متحاولش تداري او تخبي او تهرب .. خليك زي ما انت .. عبر عن نفسك زي ما انت

حتى لما تيجي تعمل خطوة الانفاق ديه .. انفق من حاجة فعلا ربنا ادهالك .. فعلا انت لامسها وحاسسها .. مش تدور على اي حاجة تنفقها وخلاااص

لو عملت الخطوتين دول وقدرت عليهم .. اضمنلك وابصملك بالعشرة ان هيحصل معاك كده :

{ وَمَن یَتَّقِ ٱللَّهَ یَجۡعَل لَّهُۥ مَخۡرَجࣰا (٢) وَیَرۡزُقۡهُ مِنۡ حَیۡثُ لَا یَحۡتَسِبُۚ وَمَن یَتَوَكَّلۡ عَلَى ٱللَّهِ فَهُوَ حَسۡبُهُۥۤۚ إِنَّ ٱللَّهَ بَـٰلِغُ أَمۡرِهِۦۚ قَدۡ جَعَلَ ٱللَّهُ لِكُلِّ شَیۡءࣲ قَدۡرࣰا (٣) }

القاعدة الأخيرة بقا :

خليك اقرع ونزهي

يعني دلع نفسك ولو معاك جنيه .. منجه نفسك وابسطها ع الاخر بقاااااااا .. مش هتبقى مزنوق ومخنوق كمان .. مش ناقصة قررررف

اخرج اتمشى .. العب .. ارقص .. هات افخم حاجة ممكن تبسط بيها نفسك باللي معاك

بسسسس كده وادعيلي بقا بعدها

حبيبي يا مزنووووووق بقلم نادر هشام

*****

كل شئ في الحياه رزق
وهذا الرزق مرتبط ارتباطا وثيقا بالعلم
يعني بحسب نسبة العلم الي عندك بحسب قدرتك على التحكم في نسبة رزقك

(أَوَلَمْ نُمَكِّن لَّهُمْ حَرَمًا آمِنًا يُجْبَىٰ إِلَيْهِ ثَمَرَاتُ كُلِّ شَيْءٍ رِّزْقًا مِّن لَّدُنَّا وَلَٰكِنَّ أَكْثَرَهُمْ لَا يَعْلَمُونَ )
بسبب فقط عدم علمهم
فقدو التمكين
و فقدو ما يثمر عن الأشياء الي حولهم و الثمرات الي بتخرج من الأشياء الي بيتعاملو معاها

(ضَرَبَ اللَّهُ مَثَلًا عَبْدًا مَّمْلُوكًا لَّا يَقْدِرُ عَلَىٰ شَيْءٍ وَمَن رَّزَقْنَاهُ مِنَّا رِزْقًا حَسَنًا فَهُوَ يُنفِقُ مِنْهُ سِرًّا وَجَهْرًا ۖ هَلْ يَسْتَوُونَ ۚ الْحَمْدُ لِلَّهِ ۚ بَلْ أَكْثَرُهُمْ لَا يَعْلَمُونَ )
بدون العلم تصبح أنت ملكا للأشياء لا تقدر عليها
ولكن بالعلم تتوفر لديك القدرة الكامله للتحكم بالأشياء
والانفاق منها حيث تشاء

فلا بد عند البدء في أي شئ أن تعلم أولا
لان
المعلومة تستمد قوتها من العليم مباشرة بدون تدخل بشري معرفي
علشان كدا العلم لا ينسب الا لله هو من يؤتي العلم لمن يشاء
فساعتها بدايتك بتتشحن بكل الداتا والحلول الي محتاجها علشان تكمل الحاجة الي بدأتها لنهايتها

فلازم أول حاجة : تستمد بدايتك من العليم علشان يتم شحن طريقك بالحلول الجذرية الساحرة

ثانيا: لا تحاول نسب العلم الي نفسك
حينها ستحول الى معرفة و يكون سبب يؤدي الي هلاك ما بدأته و الخسف به

زي ما حصل مع قارون
(قَالَ إِنَّمَا أُوتِيتُهُ عَلَىٰ عِلْمٍ عِندِي ۚ أَوَلَمْ يَعْلَمْ أَنَّ اللَّهَ قَدْ أَهْلَكَ مِن قَبْلِهِ مِنَ الْقُرُونِ مَنْ هُوَ أَشَدُّ مِنْهُ قُوَّةً وَأَكْثَرُ جَمْعًا ۚ وَلَا يُسْأَلُ عَن ذُنُوبِهِمُ الْمُجْرِمُونَ )
فالقوة لا تنفع بدون علم و ليس لها تأثير و حماية
و الجمع لا ينفع بدون علم و ليس له تأثير و دفع

فأجعل العليم بدايتك و موجهك لتصل لنهاية مليئة بالقوة و جمع و اجتماع كل ما تريد 💚
بقلم عبد الرحمن عمر اعداد خلود عزيّز

اقرأ أيضا : 💖💖 ماهو الواقع ؟ 💖💖

اقرأ أيضا : 💖💖 النجاح هو خيارك الأقل مجهودا 💖💖

اقرأ أيضا : 💖💖 الواقع هش : انت لست الواقع 💖💖

اقرأ أيضا : 💖💖 هل دعوت الله ؟ هل حضر ؟ 💖💖

اقرأ أيضا : 💖💖 اذا اردت النعيم، فلا تجعل واقعك يستمد توجيهاته من مخاوفك ! 💖💖

اقرأ أيضا : 💖💖 كيف تصحح محتويات عقلك اللاواعي؟ 💖💖

DivaKhoolood3198 DivaKhoolood369 DivaKhoolood888 🌳⛵🔥🌊💳💰💶💴💵💸🌹✨👑☯🌈👀👂🐝🚀☘💃💎💗💗🌏❄🌲🐎🐂🦅🐉🌞🌝🌻🌸🌺🍇🍓🥂🎼🛬🛸🛳🔑🔮⚖☯♈♉✅👑333.777.555.369👑🔱⚜💲📣♾8⃣8⃣🆒🆕🆓🆙

اترك رد

لن يتم نشر عنوان بريدك الإلكتروني.