🌲📣⚜🦄💸🏹🔱🪙🌻 عايز اخرج من الماتريكس .. ازاااي ؟!!
بص كده علي اي جدار ..
هل ممكن تعدي من خلاله ؟!!
لا .. طيب ليه ؟!!! هل الجدار ده فعلا حاجز ؟!!!!!
الجدار في أصله مجموعة ذرات ٩٩.٩٩٪ منها فراغ .. وانت نفس الفكرة .. وده معناه انك تعرف تعدي بكل سهولة ( علميا ) .. ايه اللي بيخلي الجدار حاجز
ترجمة عقلك للي انت بتستقبله بحواسك
اهه الترجمة ديه هي الماتريكس بعينها .. وهي الواقع اللي انت اتعودت تشوفه وتتعامل معاه
فهمت كده .. يبقي الماتريكس هي ببساطة ترجمة عقلك للي بتستقبله
طيب دلوقتي تعرف تقولي الخروج منها يبقي ازاي
بالظبط .. انك تغير ترجمة عقلك للواقع
بس الموضوع مش بالبساطة ديه .. لييييه
لان ترجمة عقلك ديه هي طريقة انت بتدرك بيها العالم من يوم ما اتولدت لحد دلوقتي .. عقلك متكيف عليها .. فلو كسر عادة بيكلفك مجهود فكسر الماتريكس بيكلفك … !!!
بيكلفك انك تتخلي عن ادراكك للعالم بأكمله .. مش عن أفكار أو معتقدات .. ولكن عن ادراكك ذات نفسه
هل ده ممكن
اااه ممكن .. ولو انت مؤمن بالانبياء أو الرسل .. هتعرف أنهم عملوا حاجات كتير جدا ممكن تكون مذهلة بمجرد إدراكهم للحقيقة .. ولو انت مش مؤمن بيهم .. فأبسط جهاز بتستخدمه ممكن يكون قائم علي قوانين من فيزياء الكم اللي هي اصلا بتنفي تماما مفهوم المادة اللي اتربينا عليه .. ولو دققت شوية هتلاقي أن الأجهزة والآلات تقريبا بتعمل نفس اللي الانبياء والرسل عملوه .. ونفس اللي احنا نقدر نعمله
بس الفرق .. أن النبي أو الرسول محتاجش لاي آلة أو جهاز علشان يعمل ده .. لكن احنا بنحتاج آلات
السؤال هنا .. هل احنا فعلا محتاجين الآلات .. والا الالات ديه اتعملت علشان توهمنا أو تنسينا قدراتنا الأصلية وتخلينا معتمدين عليها
اجابتك علي السؤال ده كفيلة تقلب إدراكك لنفسك وللواقع من حواليك رأسا علي عقب …
الالات اللي مفهماك أنه انت محتاج لها .. هي هي بتثبت لك أنه انت إله أو مبرمج أو رب
بس اللعبة انك اتعودت تعبر عن ألوهيتك في حاجة مادية .. وبحاجة مادية .. عن طريق آلة أو جهاز .. لكن متعودناش تعمل ده بدون مادة
وديه اول فكرة من أفكار الماتريكس .. انت محتاج للمادة علشان تعمل تأثير
الفكرة ديه بقا من اكتر الافكار اللي مسيطرة علي الناس لدرجة أنهم بدأوا ينكروا ويشككوا في آيات الأنبياء بحجة أن مفيش عليها أدلة .. وحتي المؤمنين بالانبياء تم إقناعهم بأن ده كان قاصر علي الأنبياء وبس وانتهي .. وان ديه حاجة إدهالهم ربنا علشان الناس يقتنعوا أنهم رسل …
ولكن ولو ده حقيقي فعلا كانوا الناس كلهم آمنوا .. وعدم ايمان الناس يقول حاجة من اتنين :
أما أن كيد ربنا ضعيف وحجته ضعيفة بدليل أنها فشلت في إقناع الناس .. واما أن الناس في الوقت ده كانوا عارفين حاجة تخلي ده مش كفاية بالنسبة لهم
والحقيقة أن الهدف من الآيات أو الخوارق ديه .. مكنش ابدا علشان يتم إثبات أن الأشخاص دول انبياء أو رسل لان ده مش هيؤثر في وعي الناس اصلا
الهدف من الآيات ديه كان توجيه الناس أو الوعي الجمعي للداخل .. للحقيقة .. الأنبياء والرسل كانوا جايين مش علشان يثبتوا نفسهم هما .. لكن علشان يقولوا أن كل إنسان قادر علي التأثير .. أن كلنا إله ورب .. وان مفيش اي حواجز بينك وبين الوهيتك
مفيش حاجة اسمها علوم محرمة ومفيش حاجة اسمها كهنة ومفيش حاجة اسمها احتياج للمادة (( اللي كانت في القصص ممثلة في الأصنام والاوثان ))
احنا في عصرنا ده حرفيا لنعيش الوثنية في أقوي أدوارها واشكالها .. التكذيب اللي بتشوفه النهاردة للانبياء والرسل وقصصهم .. هو تكذيب وطمس لالوهيتك انت .. لحقيقتك انت .. المقاومة اللي بتشوفها من المتدينين هي مقاومة لتذكر الحقيقة .. مقاومة لتذكر انك اصلا مش عبد .. ولا جاي هنا علشان خاطر تكون موظف أو حتي تعمل طقوس للإله وتتقرب له .. انت جاي هنا لغاية اكبر بكتييييير
الغاية ديه مش هتعرفها ابدا غير لما ترجع تؤمن بحقيقتك .. لما ترجع تؤمن بالوهيتك من تاني
الكلام اللي انا باقوله ده انا عارف أنه اتقال من ناس كتير .. بس خد بالك برده أنه تم تحجيمه .. علاج بالطاقة ، تغيير شكل الجسم ، التحكم بالعناصر ، الذكورة والأنوثة ، قانون الجذب ، ….
ومعاها بيتم تحقير للجسد والجنس والأكل والحاجات تانية كتير اوي
منظور ضيق جدا بينادي بيه فئة قليلة بتتهاجم من كل الناس حتي اللي مش مؤمنين بالاديان اصلا !!!
طريق تاني لسيطرة الماتريكس عليك .. طريق تاني لنسيان ألوهيتك وحقيقتك .. لان لو الكلام ده في يوم من الايام أصبح العادي ( وده هيحصل ) .. فاعرف كويس اوي أن الحقيقة اعلي واقوي بكتير اوي من مجرد حيل نفسية وطاقية
الخلاصة .. بداية خروجك من الماتريكس .. هو بنسف مفهوم المادة من جذوره .. مش تحقير للجسد والمادة .. ولكن إعادة إدراك لحقيقتها وحقيقة الكون ده. بقلم نادر هشام
اقرأ أيضا ل ” نادر هشام ” : 🌍♾⛵ الجواز والطلاق والماتريكس 🌍♾⛵
اقرأ في نفس السياق : 💖💖حلم أم محاكاة أم حقيقة:الماتريكس1💖💖
اقرأ أيضا ل ” نادر هشام ” : 🌍♾⛵ إقام الصلوٰة 🌍♾⛵
اقرأ أيضا : 💖💖 البلاسيبو أو العلاج الوهمي 💖💖
اقرأ أيضا : 💖💖 الوفرة حالة ذهنية 💖💖
اقرأ أيضا : 💖💖 كيف تفتح أعظم بوابة للخير؟ 💖💖
اقرأ أيضا : 💖💖ماذا بوسع خلايا جسمك أن تفعل بالحب؟💖💖
اقرأ أيضا :💖💖الكون : هو طاقة ومادة ..💖💖
DivaKhoolood369 DivaKhoolood888 🌳⛵🔥🌊💳💰💶💴💵💸🌹✨👑☯🌈👀👂🐝🚀☘💃💎💗💗🌏❄🌲🐎🐂🦅🐉🌞🌝🌻🌸🌺🍇🍓🥂🎼🛬🛸🛳🔑🔮⚖☯♈♉✅👑333.777.555.369👑🔱⚜💲📣♾8⃣8⃣🆒🆕🆓🆙