🌍♾⛵ خايف يشوفوك وحش ؟! 🌍♾⛵

0 796

🍀📣⚜🦄💸🏹🔱 🔑🪙🌻 خايف يشوفوك وحش ؟!

طيب السؤال هنا .. ليه بنخشى الناس ؟

خلينا في البداية نكون عارفين انك لما بتستقبل اي حاجة من الناس .. او من الواقع الخارجي .. ففي الحقيقة انت بتستقبل ترددات { صوت } .. الصوت ده بتقارنه بالمعلومات اللي متسجلة جواك .. وبناء عليه بيخرج حكم بتتعامل بيه مع الناس .. ولو ركزت في العملية ديه كلها على بعضها .. هتلاقي انك قيوم .. ده مكانك اللي ربنا وضعك فيه .. بتقوم على اي تردد بيدخلك من خلال المعلومات المسجلة جواك .. وبتقومه وبتعيد توجيهه وبتتفاعل معاه .

يبقى لما اجي اتعامل مع اي انسان .. فأنا بستقبل تردد ما علشان ابدأ اوجهه واعيد تقويمه وتوجيهه بناء على اللي متسجل جوايا .. يبقى الطبيعي اني كده كده هتفاعل مع التردد ده .. فلازم تكون عارف ان المشكلة مش في انك بتتفاعل خالص

المشكلة بتحصل لما بتنسى من الأصل انك قائم على الترددات ديه .. قائم على الأصوات ديه .. وبتبدأ تبدل الكراسي الموسيقية .. بتقع انت تحت قوامة وتقويم وتقييم الترددات او الاصوات ديه ليك …

مثلا مثلا .. واحد بيقولي ” لو عملت كذا انا هزعل ” .. ده صوت وتردد .. الطبيعي اني اخد الصوت ده وابدأ بتقويمه وتوجيهه فأقوله مثلا : ” ايه اللي يزعلك يا حبيبي ؟ ” .. بدون ما أقيم عملي أنا بناء على الصوت ده .. او امتنع عن العمل اللي بيعبر عني بناء على الصوت اللي خرج منه .. لكن اللي بيحصل عكس كده تماما

اللي بيحصل اني بابدأ في التأثر بالتردد ده .. بابدأ في وضع نفسي تحت تقييمه هو .. فامتنع عن عمل انا اشعر انه سليم بناء على الصوت ده ..

ده بقا بيكون نتيجة مثلا لخوف جوايا اني أخسر الشخص ده .. ممكن يكون نتيجة لمعلومة بتقولي اني مينفعش اعمل حاجة تختلف مع اللي بحبهم … وغيرها كتير من الداتا اللي ممكن يخرج منها فعل زي ده !!

بس وهنا بقا تبدأ خشية الناس .. لاني مرة مع مرة مع مرة .. بابدأ مش بس اخضع لاصوات فردية .. لا ده انا بيتكون جوايا صوت واحد متركب من مجموعة اصوات .. علشان طبعا يسهل عليا الخضوع ده .. باسميه الناس او المجتمع او أهلي ايا كان المسمى .. وابدأ اتعامل بناء عليه واخضع لتقييمه .

ولما باعمل كده انا بظن اني كده بحب الناس ديه .. مع ان الحب هو اطعام من تحب من بذور وثمار الألوهة فيك .. من فطرتك وتلقائيتك .. فاللي بيحصل ان الترددات ديه بتعدي وتدوس عليا وتبدأ تروح لمن يستطيع تقويمها وتوجيهها بحب حقيقي .. فتحصل مشاكل عدم التقدير او انك تتساب او تستبدل او كل مشاكل العلاقات اللي بنسمع عنها

وهنا عقلك بيبدأ يترجم ده لدور الضحية .. انك بتعمل كل حاجة للناس والناس مش بتقدملك اي حاجة .. وبتقدم كل حاجة للي مش بيعملهم حاجة … وطبعا ده ترجمة مشوهة لحاجة حقيقية .. انك حطيت نفسك تحت تصرف أصوات وصدقت انهم هم من تحب ومن تفعل كل شئ لأجله .. صدقت ان اصوات الاشخاص هم الاشخاص !!

بعد كده بتبدأ تتعود وتعتاد ده .. فتكون مستغرب نفسك ليه بتعمل كده اصلا مع انك بتتأذى .. وفي الحالة ديه يا اما بتستسلم وتتأقلم .. يا اما قلبك بيقسى وبتقرر حظر عطاءك .. او اللي انت بتفتكره عطاء !!!

وديه بقا الزتونة اللي بتخليك بتخشى الناس .. انك بتخرج من مكانك الأصلي .. بتنسى حقيقتك ودورك .. بتتبنى مفهوم مشوه عن الحب والعطاء بتحكم بيه على نفسك بالخضوع لما تظن بأنه من تحب حقا !!!

طيب الحل ايه بقا ؟

اول حاجة انك تدرك ان اصوات الناس مش هي الناس .. اصوات اللي بتحبهم مش هي اللي بتحبهم

انت تقدم نفسك لمن تحب وليس لاصواته .. ومن نفسك شخصيتك وفطرتك التي فطرك الله عليها .. لذلك ليس عليك التخلي عنها .. هذا ليس عطاء .

أنتم معا لتنمو بذورك في أرضه وتنمو بذوره في أرضك .. ليس لتدمر أرضك بصيحاته وليس ليدمر أرضه بصيحاتك

العطاء الحقيقي هو المبني على البر .. الثبات في فطرتك وطبيعتك وقيوميتك .. ومنها تبدأ بالتعامل مع من تحب دون الخضوع لما ليس هو

تاني حاجة انك تعرف كويس ان اتحادك وتوحدك مع من تحب لتعزيز قيوميتكم على ما تستقبلوه من أصوات .. لا ينفي حبكم لبعضكم البعض .. ولا يؤثر عليه بالسلب .. ولا يمكن لاي شئ ان يؤثر بالسلب على اتحاد حقيقي مبني على المحبة والتقوى .

ثالث حاجة انك تفهم ان خشيتك من الناس هي فقط سهم يذكرك بقيوميتك .. يذكرك بحقيقتك وبصيرتك .. لكنها لا تقول لك بانك ضعيف او مغلوب على أمرك .. تبنيك لهذه الفكرة يجعل منك عبدا لما تخشى .. اعلم انك هنا لتستوي بحقيقتك ويستوي ربك على عرشك .

رابع حاجة انك تبدأ تعرف وتتعرف على ذاتك وفطرتك وما تريد حقا .. وتتعمق فيه اكثر واكثر وتثبت فيه .. وتعيد تقويم وتقييم وتوجيه ما تستقبل بناء عليه وليس العكس . بقلم نادر هشام اقرأ في نفس السياق : 💖مت كما أنت!

اقرأ أيضا ل ” نادر هشام ” : 🌍♾⛵ لو انت في ضيق مادي 🌍♾⛵

اقرأ أيضا : 🌎✨⛵ إن أعظم ما يملكه الإنسان هو تمامًا ما ينقصه! 🌎✨⛵

اقرأ أيضا : 🌎✨⛵ الحرية الحقيقية و السجن 🌎✨⛵

اقرأ أيضا : 🌎✨⛵ الطيبون للطيبات 🌎✨⛵

اقرأ أيضا : 🔑⛵ تقبلك لرفضك هو عين قبولك 🔑⛵

اقرأ أيضا : 🌍♾⛵ انت العالم و العالم هو انت🌍♾⛵

اقرأ أيضا : 🌍♾⛵ ابدأ بملاحظة سيستم حياتك 🌍♾⛵

DivaKhoolood3198 DivaKhoolood369 DivaKhoolood888 🌳⛵🔥🌊💳💰💶💴💵💸🌹✨👑☯🌈👀👂🐝🚀☘💃💎💗💗🌏❄🌲🐎🐂🦅🐉🌞🌝🌻🌸🌺🍇🍓🥂🎼🛬🛸🛳🔑🔮⚖☯♈♉✅👑333.777.555.369👑🔱⚜💲📣♾8⃣8⃣🆒🆕🆓🆙

اترك رد

لن يتم نشر عنوان بريدك الإلكتروني.