🌍♾⛵ ابدأ بملاحظة سيستم حياتك 🌍♾⛵

0 539

🌲📣⚜🦄💸🏹🔱🪙🌻 الإنسان الناجح في أي مجال

الشركة الناجحة

الفريق المميز

الدولة المتقدمة

كلهم عندهم “سيستم

عندهم نظام من خطوات محددة ومستمرة هي ال بتتحكم في إنتاجهم

والخطوات دي مجاتش من فراغ .. جات من ملاحظة مستمرة للأنماط المتكررة وملاحظة التجارب المميزة للآخرين مع وجود مساحة للتجربة والخطأ والتعديل والتطوير دائما

كل ده بهدف الوصول لأفضل نتائج في أسرع وقت وبأقل مجهود ممكن … وهو ده ال بيساعد الإنسان إنه يرتقي ويبطل يضيع طاقته وجهده في مهام وخطوات متكررة ممكن آلة أو برنامج أو سيستم شغل مظبوط يقوم بيها .. وبالتالي هو يتفرغ للإبداع والاستمتاع والارتقاء والروحانيات والاهتمام بجسمه وتحسين جودة حياته في كل الجوانب … يتفرغ للحاجات ال هو جي هنا عشان يعملها ويعمل الحاجات ال البرامج والآلات حاليا متقدرش تقوم بيها

الأفراد والشركات والمجتمعات الاقل تقدما بيعملوا ايه؟

بيفضلوا يكرروا نفس الخطوات ونفس السيستم هو هو ال بدأوه من سنين طويلة بدون ملاحظة ولا تعديل ولا تطوير .. فيتحول من سيستم بيخدم الإنسان لروتين عقيم يضيع طاقته ووقته ويشغل تفكيره في حاجات ملهاش لزمة

عشان تبدأ تطبق سيستم على مستوى المجتمع أو على مستوى شخصي .. انت محتاج شوية ذكاء ودماغ نضيفة .. تتعلم من تجارب ال سبقوك مع شوية إبداع وتظبيط فتبدأ تصنع سيستم مناسب يحقق لك ال انت عايزه

أما الفلوس لوحدها عمرها ما تعمل سيستم طول ما الدماغ مش شغالة ومش شايفة غير الحلول المؤقتة والربح السريع

السيستم مش معناه إن حياتك كلها هتكون محددة ومرتبة وروتينية بدون مساحة للإبداع .. بالعكس! السيستم الصح هو ال هيديك مساحة تبدع وتستمتع وتتطور في كل جوانب حياتك .. وبالتالي تنتج أكتر فيزيد نجاحك ويزيد استمتاعك .. لأن دماغك هتكون ارتاحت من الهري المكرر واختراع العجلة من الأول

كلامي ده مش جديد والأمثلة موجودة كتير حوالينا على كل المستويات .. وعلى مر التاريخ وقبل حتى وجود الإنسان .. بص للطبيعة حواليك هتلاقيها كلها عبارة عن سيستم! وأول أنظمة اكتشفها الإنسان زي الصناعة والزراعة باستخدام أدوات بسيطة .. ثم التجارة وتطور العلم والتكنولوجيا في الحياة بكل مجالاتها ما هو إلا محاكاة للسيستم الموجود أصلا في الطبيعة!

سيستم دقيق غريب بيتحكم في حركة الشمس والأرض والقمر والمجرات والذرات والعناصر كل لحظة هو ال سمح للحياة تكون موجودة وتتطور وتتوسع بالشكل المركب ال احنا شايفينه على هذا الكوكب .. وكل ما بنحاكي السيستم العظيم ده في حياتنا .. كل ما حياتنا هتزدهر نفسيا وماديا وروحانيا

وكل ما بنبعد عنه ونعيش عكسه .. كل ما حياتنا هتدهور

أو هنفضل نتطور في جانب واحد فقط على حساب جوانب أخرى

زي ما احنا دلوقتي عندنا تكنولوجيا وكل حاجة سهلة ومتاحة وفي سلام ونعيم كبير جدا مقارنة بعصور أخرى مكناش نحلم وقتها بربع الموجود دلوقتي .. لكن ناس كتير ما زالت تعيسة وزعلانة لأنهم عايشين في سيستم مش متكامل ومهتمين بجوانب محدودة على حساب جوانب أخرى .. وهو ده السيستم الفاسد ال هدفه فقط المادة .. أو الروحانية أو التكنولوجيا .. بيكون نتيجته التعاسة والانفصال عن الطبيعة والتلوث .. لأن الحياة وحدة واحدة واحنا جزء منها

مش هنعرف نعيش في بهجة غير لما نهتم بكل جوانب حياتنا ومنهملش أي جانب فيها

لو انت حاسس انك “محطوط عليك” في سيستم بلا رحمة .. ودايما بتجري ودايما مش عارف تحس بهدوء وتوازن .. اعرف ان انت كمان “حاطط على نفسك” بطريقة أو بأخرى

ابدأ بملاحظة سيستم حياتك

لاحظ تجارب ال حواليك ال وصلوا لل انت عايزه

خد من تجاربهم ما يتناسب معاك وامزجه مع بصمة روحك وجرب!

واستمر في التجربة والتعلم لحد ما تلاقي حياتك بتتزن وأهدافك بتتحقق

لاحظ السيستم بتاعك وعدله عشان يتناسب مع أهدافك الجديدة … وتوسع … بقلم ميسرا صلاح

اقرأ أيضا ل ” ميسرا صلاح ” : 🌍♾⛵ السقوط في الوعي والتحرر من الماتريكس 🌍♾⛵

اقرأ أيضا ل ” ميسرا صلاح ” : 💖💖من فترة كتبت سؤال: ما هي الحرية؟💖💖

اقرأ أيضا : 🌎✨⛵ ثم تأتي تلك اللحظة السحرية 🌎✨⛵

اقرأ أيضا : 💖💖 متى ينكشف واقعك الجديد؟ 💖💖

اقرأ أيضا : 💖💖 حقيقة التغيير العظيم 💖💖

اقرأ أيضا : 🌍♾⛵ الحياة تتبعك وليس العكس! 🌍♾⛵

اقرأ أيضا : 🌎⚡⛵ انت خرجت من خشبة المسرح 🌎⚡⛵

DivaKhoolood3198 DivaKhoolood369 DivaKhoolood888 🌳⛵🔥🌊💳💰💶💴💵💸🌹✨👑☯🌈👀👂🐝🚀☘💃💎💗💗🌏❄🌲🐎🐂🦅🐉🌞🌝🌻🌸🌺🍇🍓🥂🎼🛬🛸🛳🔑🔮⚖☯♈♉✅👑333.777.555.369👑🔱⚜💲📣♾8⃣8⃣🆒🆕🆓🆙

 

اترك رد

لن يتم نشر عنوان بريدك الإلكتروني.