🌲📣⚜🦄💸🏹🔱🪙🌻 إقام الصلوٰة :
لاول مرة هتكلم عن الموضوع ده بالتفصيل .. وكلامي ده مش لديانة واحدة او لملة معينة .. كلامي ده للجميع حتي اللي مش مؤمن أساسا بالديانات (( … ))
في الاول بس حابب اقولكم اني اتحط حاجز بيني وبين الصلاة المعروفة ديه من وانا عندي 5 سنين تقريبا .. واتحط بسبب حاجة قد تبدو تافهة لدرجة انه انا نفسي كنت مستغرب ان ديه اللي حطت حاجز بيني وبين الصلاة
وانا اصلا في الايام ديه كنت حابب اوي اني اقرب من ربنا وابقي متدين وكده .. ده غير تشجيع كل اللي كانوا حواليا علي الموضوع ده بكل اشكال الحسني والحب .. فأنا مش شخص تم اجباري علي الصلاة او كرهتها بسبب اللي حواليا او حتي بسبب شطحاتي الفكرية (( علي رأي اخواننا المتدينين .)).. انا كنت طفل وحصل موقف تافه مفيهوش اي حاجة ولا يعقد اي طفل .. وساعتها كان الصلاة المعروفة ديه اتشالت من قلبي خاااالص
بص يا سيدي .. في الاول كده لازم تفهم انت مطلوب منك ايه بالظبط .. انت مطلوب منك انك تقيم حاجة اسمها الصلوٰة
وقبل ما تفهم معني الصلوٰة ديه .. الاول لازم تفهم يعني ايه تقيم ديه ….
تقيم ديه معناها حاجة من اتنين :
اما انك بتبني وبتشيد شئ ما .. واما ان في معلومة وانت بتحققها علي ارض الواقع
ديه المعاني الفطرية الطبيعية خااالص للكلمة ديه .. والسؤال بقا هنا :
ايه هو الشئ اللي انت بتبنيه او بتشيده او ايه هي المعلومة اللي انت بتحققها بالحركات اللي بتعملها والايات والكلمات اللي بترددها ديه اييييه هو
هتقولي ان انت بتقيم صلة بينك وبين الاله .. حلو اوي .. سؤالي بقا ليك :
هل انت متصور ان اقامة علاقة او صلة بينك وبين اللي خلق الكون ده .. تكون بعمل حركات وترديد كلمات خمس مرات في اليوم مثلا
هل انت متصور ان اللي خلق الكون ده هتتصل بيه وهيكون قريب منك لما تعمل الحركات ديه
يعني مش شايف ان الاله المفروض انه قريب منك واقرب ليك من حبل الوريد والكلام الجميل ده كله .. مش منطقي تكون محتاج تعمل ده كله علشان تتصل بيه او تكون في علاقة بينك وبينه
طيب بلاش .. هل لو الاله فعلا حابب انه ينادي عليك علشان تجيله او علشان يكلمك او يسمع منك .. هيخلي ناس بميكروفونات تقف تقول كلام متلحن بمقام معين علشان تعرف انه بينادي عليك
يعني مش شايف انك لو محتاج لحد يقولك ربنا بينادي عليك .. فده في حد ذاته دليل علي ان مفيش اتصال اصلا بينك وبينه
لو شايف اني باشكك في اللي بتعمله .. انا ببساطة باسألك اسئلة منطقية وبسيطة جدا
لو انت علي صلة حقيقية باللي خلق الكون ده .. ابسط حاجة عندك هتكون الاجابة علي الاسئلة ديه
طيب معلش سؤال أخير …
هو انت مش شايف او مش ملاحظ انه مقالكش تقيم صلة او علاقة اصلا
هو قال الصلوٰة او حتي يا سيدي الصلاة زي ما انت عارفها .. ايه علاقة ده بالصلة او بالعلاقة يعني عرفت منين ان الكلمة ديه معناها كده! قستها ازاي
طيب تعالي بقا للكلمة ديه الصلوٰة يعني ايه الكلمة ديه اساسا
الكلمة ديه ببساطة كده معناها في القرآن
الخواص او الدوافع الاساسية والمركزية للحركة في الحياة
يعني كاني باقولك ابني ليك اساس تمشي عليه .. او انا مديك اساس تمشي عليه وتحققه
جبتها منين بقا
لان القران كل حرف فيه ليه معني .. فلما تكون في كلمة زي ديه انت عاوز تعرف معناها .. بتشوف معاني حروفها وتفهمها
علشان كده من اهم سمات المتقين انهم بيقيموا الصلوٰة .. لانك مش هيكون عندك قوة نفسية او جسدية .. ومش هتكون محصن او protected الا لما يكون عندك سيستم او منهج اساسي اقمته بنفسك وماشي عليه في كل لحظة بثقة
وعلشان كده دايما اقامة الصلوٰة مرتبطة ارتباط وثيق مع ايتاء الزكوٰة .. لانك مش هتتزكي في حياتك ولا هتتطور الا لو عندك منهج وسيستم بيخدم تطورك
وكمان هتلاقيها مرتبطة بالصبر .. لانك لو عندك منهج او سيستم ومش بتصبر او تستمر عليه .. او معندكش صبر علي اقامة منهج لنفسك في الحياة .. فمش هتكون شخص متقي متطور باستمرار
وهنا لازم اتطرق لآية مهمة جدا
حَافِظُوا عَلَى الصَّلَوَاتِ وَالصَّلَاةِ الْوُسْطَى وَقُومُوا لِلَّهِ قَانِتِينَ
الحفظ معناه انك بتثبت خواص شئ معين .. بتثبت الداتا بتاعته بحيث انها متتشتتش او تضيع او تفقدها
والآية ديه بتقولك انك لازم تحفظ كل الانظمة اللي بتقوم عليها الاشياء في الكون (( الصلوات )).. الداتا الاصلية اللي بيقوم عليها كل شئ
وفي نفس الوقت تحفظ السيستم او النظام الوسط (( الصلوٰة الوسطي )) .. اللي بيقوم عليه الظاهر والباطن .. السماء والأرض .. الأول والآخر .. دايما تكون في مكان راسخ فيه بتتحكم منه في كل شئ في نفس اللحظة
وكمان شوية هاقولك ايه السيستم ده بالظبط
بس ايه الفكرة بقا من القصة ديه كلها .. يعني ايه الهدف من الموضوع ده كله
إِنَّنِي أَنَا اللَّهُ لَا إِلَهَ إِلَّا أَنَا فَاعْبُدْنِي وَأَقِمِ الصَّلَاةَ لِذِكْرِي
الهدف من اقامة الصلوٰة هو ذكر الله
ذكر الله علشان تفهمه ببساطة .. لازم تعرف ان كل شئ في الكون ده ليه ذاكرة .. يعني جوهر لتخزين المعلومات الخاصة بيه .. ذكر الله معناه التعامل في كل تفاصيل حياتك بناء علي الداتا اللي متسجلة في ذاكرتك عن الله .. المعلومات الاصلية عن حقيقة الكون ده وحقيقة وجودك وتكوينك وجذورك
فالغاية بقا من اقامة الصلوٰة هو اقامة منهج وسيستم يتناسب مع جوهرك وجوهرك وجودك في الحياة
طبعا العملية ديه ليها تفاصيل كتير جدا وخطوات وتطبيقات عملية كتير جدا في كل كتب الحكمة والحياة في العالم .. بس الاهم من كل التفاصيل ديه انك تعرف ايه هو السيستم ده اللي المفروض اني اقيمه
السيستم ده ببساطة كده هو الاسلام
بس ده مش معناه الديانة المعروفة .. ده معناه انك تسلم كل شئ لقلبك .. اللي هو الصورة الحية لله فيك .. المسيح الحي فيك
هنا كل تفصيلة ولو صغيرة هتكون من بناءك انت وهتكون متحكم فيها بالكامل زي السيستم بتاع الكمبيوتر كده بالظبط اللي بتتحكم بيه في مجموعة شركات كاملة
ده كان ملخص اقامة الصلوٰة ببساطة .. ممكن فيما بعد نعمل لايف نتكلم فيه عن تفاصيلها وتطبيقاتها بالتفصيل. بقلم نادر هشام
اقرأ أيضا ل ” نادر هشام ” : 🌍♾⛵ كان هو 🌍♾⛵
اقرأ أيضا ل ” نادر هشام ” : 🌎⚡⛵ تخطى حدود التفكير 🌎⚡⛵
اقرأ أيضا ل ” نادر هشام ” : 🌎✨⛵ الحرية والعمل 🌎✨⛵
اقرأ أيضا ل ” نادر هشام ” : 🌎✨⛵ الحرية و الشفاء 🌎✨⛵
اقرأ أيضا : 🌍♾⛵ حوار بين أنا و أني: عمق ” إِنَّنِيٓ أَنَا ٱللَّهُ ” 🌍♾⛵
اقرأ أيضا : 🌎⚡⛵ حوار مع هو : و هل يستوي الاعمى و البصير؟ 🌎⚡⛵
اقرأ أيضا : 💖💖 دينك ليس ماتدعي انتماءك إليه 💖💖
DivaKhoolood369 DivaKhoolood888 🌳⛵🔥🌊💳💰💶💴💵💸🌹✨👑☯🌈👀👂🐝🚀☘💃💎💗💗🌏❄🌲🐎🐂🦅🐉🌞🌝🌻🌸🌺🍇🍓🥂🎼🛬🛸🛳🔑🔮⚖☯♈♉✅👑333.777.555.369👑🔱⚜💲📣♾8⃣8⃣🆒🆕🆓🆙